Yaponiya Kanadanın kommersiya peykini buraxacaq

18-09-2015 / 11:23

Yaponiya noyabrda ilk dəfə Kanadanın Telesat yayım şirkətinə məxsus kommersiya peykinin buraxılışını həyata keçirəcək. Bu barədə Yaponiya Təhsil, Mədəniyyət, İdman, Elm və Texnologiyalar Nazirliyinin məlumatında deyilir.

Xeberler.az RYTN-in rəsmi saytına istinadən məlumat verir ki, peyk noyabrın 24-də ölkənin cənubunda yerləşən Taneqasima kosmodromundan buraxılacaq. Aparat orbitə “H-2A” raketdaşıyıcısı vasitəsilə çıxarılacaq.

Kanada şirkətindən raketin buraxılışı üçün sifariş Yaponiyanın Mitsubishi Heavy Industries şirkəti tərəfindən 2013-cü ilin sentyabrında alınıb. Aparatın Cənubi Amerika ərazisində və Atlantik okean üzərində teleradio yayımını təmin edəcəyi nəzərdə tutulur.

Bu il yanvarın əvvəlində Yaponiya hökuməti tərəfindən milli kosmik texnologiyaların inkişafına, maliyyələşmə həcminin çoxaldılmasına, eləcə də sahə üzrə təhlükəsizlik və etibarlıq səviyyəsinin artırılmasına yönələn yeni onillik proqram təsdiq edilib. Yaxın on ildə milli kosmik sənayenin kapitallaşmasının 5 trilyon yenə (40 milyard dollar) çatdırılması planlaşdırılır. Bildirilir ki, proqram çərçivəsində ABŞ ilə bu sahədə əməkdaşlıq möhkəmləndiriləcək, 2025-ci ilədək müxtəlif təyinatlı səkkiz peyk buraxılacaq.

Xeberler.az 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.