“Yeni Media və yeni çağırışlar” konfransı keçirilib

27-05-2014 / 15:21

Bu gün Beynəlxalq Mətbuat Mərkəzində “Yeni Media və yeni çağırışlar”  mövzusunda konfrans keçirilib. Konfrans Mətbuat Şurası və Multimedia Mərkəzinin birgə təşkilatçılığı ilə baş tutub.

Konfransı Mətbuat Şurasının sədri Əflatun Amaşov açaraq onun əsas məramı haqqında məlumat verib.

Ə. Amaşov həmçinin son dövrlərdə ölkədə internet medianın, sosial medianın inkişaf məsələlərə toxunub. O, ölkədə internet medianın indiki inkişaf dinamikasının xeyli yüksək olduğunu vurğulayıb.

Açılış mərasimində Prezident Administrasiyası İctimai - siyasi şöbənin sektor müdiri Vüqar Əliyev çıxış edərək  ölkədə Yeni medianın inkişafı və internet medianın tənzimlənmə məsələlərinə toxunub. V. Əliyev  bir sıra məqamlarda internet mediada  tənzimlənmənin vacib olduğunu bildirib.

O, bir sıra xarici ölkələrdə, o cümlədən Türkiyədə bu istiqamətdə son dövrlərdə atılan addımlardan da söz açıb.

RYTN-nin şöbə müdiri İsfəndiyar Əliyev açılış mərasimində çıxış edərək ölkədə internetin inkişaf tendensiyasından və bu istiqamətdə nəzərdə tutulan tədbirdən danışıb. İ. Əliyev ölkədə internet medianın inkişafı istiqamətində də Nazirlik tərəfindən müəyyən tədbirlərin və proqramların həyata keçirildiyini diqqətə çatdırıb.

Azərbaycan İnternet Forumunun prezidenti və Multimedia Mərkəzinin direktoru Osman Gündüz açılış mərasimindəki çıxışında konfransın gündəliyinə daxil edilən məsələlərin aktual olmasından, ölkədə internet medianın inkişaf vəziyyətindən, internet mediaya dövlət dəstəyinin vacibliyindən, onun prinsiplərinin hazırlanmasından,  Azərbaycan internetinin inkişafı ilə bağlı  ölkədə internet medianın gələcək inkişaf perspektivlərindən danışıb.

Konfrans iki paneldə, İnternet medianın inkişaf tendensiyası və perspektivlər” və “Sosial mediadan informasiya əldə edilməsi və informasiyaların yayılmasında effektiv istifadə imkanları”  mövzuları üzrə  müzakirələrlə davam etdirilib.

Osman Gündüzün moderatorluğu ilə aparılan 1-ci Paneldə  mövzu ətrafında Mətbuat Şurasının Komissiya sədri Elnur Baimov, ekspert   Ələsgər Məmmədli, MediaForum-un redaktoru İsmayıl İsmayılov, LENT.AZ  xəbər Portalının Baş redaktoru  Qabil Abbasoğlu, AzVision.az xəbər resursunun rəhbəri Vüsal Məmmədov, RYTN-nin şöbə müdiri İsfəndiyar Əliyev, Mətbuat Şurasının üzvü Yadigar Məmmədli, GASFEN rəhbəri Azər Həsrət, MİA rəhbəri Zaur Əhməd, Azərbaycan Universitetində Yeni medianı tədris edən Lalə Dilanova  və digərləri çıxış ediblər.

APA Holdinqin rəhbəri Vüsalə Mahirqızının moderatorluğu ilə keçirilən 2-ci Paneldə Gənclərin Səsi Radiosunun rəhbəri Azər Nəzərov, Nettrends –Onlayn Monitorinq sisteminin qurucusu Elşad Yusifli,  Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi, ictimaiyyətlə əlaqələr sektorunun rəhbəri Anar Hüseynov və GASFEN rəhbəri Azər Həsrət , Bakı Elektrik Şəbəkə-nin İctimaiyyətlə əlaqələr bölməsinin rəhbəri Tanrıverdi Mustafayev, Təhsil Nazirliyinin ictimaiyyətlə əlaqələr bölməsinin rəhbəri Cəsarət Valehov,  RYTN-nin mətbuat xidmətinin nümayəndəsi Seymur Qasımbəyli, Müəllif Hüquqları Agentliyini n nümayəndəsi Elnur Məmmədli  və digərləri  çıxış ediblər.

Çıxış edənlər qaldırılan məsələlərin kifayət qədər aktual olduğunu, İnternet media sektorunda ciddi inkişaf getməsi ilə yanaşı həlli  vacib olan müxtəlif problemlərin olması və onların aradan qaldırılmasının vacibliyini, ictimai informasiyaların  dövlət qurumlarının sosial media vasitələri ilə açıqlanmasının vacibliyini, sosial media sahəsində bəzi məqamlarda ciddi tənzimləməyə ehtiyac olduğunu lakin sosial medianın inkişafına mane olacaq addımlardan çəkinməyin önəmli olmasını , “copy-paste” probleminə və digər müəllif hüquqları ilə bağlı məsələlərə xüsusi diqqət yetirməyin zəruriliyini diqqətə çatdırıblar.

Bu cür müzakirələrin maraqlı tərəflərin iştirakı ilə davam etdirilməsinin də faydalı olacağı bildirilib.

Konfransda dövlət  qurumlarının ictimaiyyətlə əlaqələr və mətbuat xidmətlərinin rəhbərləri, İnternet media qurumlarının rəhbərləri, Ali təhsil müəssisələrinin və İnternet biznes sahəsinin nümayəndələri, Yeni media mütəxəssisləri və ekspertlər iştirak edib.

Konfransdan hazırlanan fotolar burada  

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.