Sosial medianın problemləri ilə bağlı konfrans keçiriləcək

12-10-2016 / 15:31

Azərbaycan Milli Elmlər Akademiyası, Azərbaycan Mətbuat Şurası və AMEA İnformasiya Texnologiyaları İnstitutunun təşkilatçılığı ilə  dekabr ayında  “Sosial medianın multidissiplinar problemləri” I respublika elmi-praktiki konfransı keçiriləcək.

Xeberler.az-ın məlumatına görə, bu barədə AMEA İnformasiya Texnologiyaları İnstitutunun sektor müdiri Rasim Mahmudov məlumat verib.

Qeyd edilib ki, konfarns  informasiya cəmiyyəti kontekstində sosial medianın çoxaspektli problemlərinin elmi ictimaiyyətə çatdırılması və onların həlli üçün alim və mütəxəssislərin birgə əməkdaşlığa cəlb edilməsi məqsədlərinə xidmət edir.

Bildirib ki, tədbirdə ölkənin müvafiq dövlət qurumlarının rəhbərləri, AMEA-nın elmi-tədqiqat institutlarının alim və mütəxəssisləri, ali təhsil müəssisələri, qeyri-hökumət təşkilatları, biznes sektoru və kütləvi informasiya vasitələrinin nümayəndələri, eləcə də sosial media fəallarının iştirakı nəzərdə tutulur.

R.Mahmudov sosial medianın müxtəlif aspektlərinə həsr olunmuş konfransa hazırlıqla bağlı görülən işləri də diqqətə çatdırıb. Sosial medianın elmi-nəzəri, analitik, texnoloji, hüquqi, iqtisadi, sosial-psixoloji, linqvistik, kulturoloji və s. problemlərinə dair araşdırmaların təqdim olunacağını qeyd edib.

AMEA-nın akademik-katibi, AMEA İnformasiya Texnologiyaları İnstitutunun direktoru, akademik Rasim Əliquliyev çıxış edərək AMEA Rəyasət Heyətinin qərarı ilə keçiriləcək tədbirin sosial medianın multidissiplinar xarakter daşıyan problemlərinə həsr olunmuş ilk konfrans olduğunu vurğulayıb.

O bildirib ki, tədbir sosial medianın cəmiyyətə təsir imkanlarının araşdırılması, elmi yanaşmalar və tövsiyələrin formalaşdırılması, bu sahədə peşəkar kadr hazırlığı və sosial medianın müxtəlif problemlərinin müzakirəsi üçün müvafiq sahələr üzrə aparıcı mütəxəssislərin bir araya toplaşması baxımından böyük əhəmiyyət kəsb edir.

 

 

 Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.