Yeni sistem saniyələr ərzində 2 milyard insanı tanıyır

13-12-2017 / 13:29

Çinin süni intellekt sahəsində liderlik edən Yitu Technology şirkəti milyonlarla videonəzarət kamerasına qoşularaq insanları dərhal tanıya bilən süni intellekt alqoritmi hazırlayıb.

Xeberler.az xarici mediaya istinadən məlumat verir ki, Dragonfly Eye adlandırılmış sistem milli məlumat bazasında olan 1,8 milyard fotoşəkildən ibarət kolleksiyaya malikdir.

Dragonfly Eye ilk iş günündə polis tərəfindən axtarılan insanı izləyərək onun dəqiq yerini hüquq-mühafizə orqanlarının əməkdaşlarına göndərib. Daha 567 cinayətkar da şəhər metrosunda sistem tərəfindən aşkar edilib.

“Fərz edək ki, əhalisi 24 milyon olan Şanxay şəhərində yaşayırıq. Bu qədər insanı izləmək hökumət üçün çətin məsələdir. Bunu texnologiyalardan istifadə etmədən həyata keçirmək mümkün deyil. Hətta çox sayda kamera olduğu halda, bütün videoçarxlara baxmaq mümkün olmur, axtarış çox vaxt aparır və böyük miqdarda məlumatlardan əhəmiyyətli nəticələr əldə etmək üçün böyük resurslar tələb edir. Lakin süni intellekt artıq mövcud olan infrastrukturdan istifadə edərək insanları asanlıqla tanıya bilər”, – deyə şirkətin həmtəsisçisi və icraçı direktoru Çju Lonq bildirib.

Onun sözlərinə görə, yeni alqoritm iki fərqli təsvirdə əks olunan şəxslərin eyni insan olub-olmadığını müəyyənləşdirməkdə gömrük mütəxəssislərindən daha dəqiqdir. Sistem obyekti milyonlarla insanın arasında hətta 25 və ya 30 il əvvəlki fotoşəkildən istifadə edərək tapa bilər.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.