Fujitsu Siemens şirkəti özünün ucuz qiymətli noutbukunu təqdim etməyə hazırlaşır. Yaxın aylarda satışa çıxarılması nəzərdə tutulan noutbukun qiyməti 470-630 ABŞ dolları intervalında olacaq. Noutbukun texniki xüsusiyyətləri istehsalçı tərəfindən açıqlanmır. Yalnız məlumdur ki, yeni portativ kompüter 8.9 düym diaqonallı ekranla təchiz olunub, Windows XP əməliyyat sistemi ilə işləyir və Amilo istehsalat xəttinin bir hissəsi olacaq.Fujitsu Siemens-in noutbuklarının, ötən il buraxılan Asus şirkətinin Eee PC seriyasından olan ucuz qiymətli portativ kompüterləri ilə rəqabət aparacağı gözlənilir. Bundan əlavə artıq satışa həmçinin ucuz qiymətli hesab olunan MSI Wind və НР 2133 Mini-Note PC noutbukları çıxarılıb.
Bakı şəhəri, Teymur Əliyev küçəsi, 25 ünvanında yerləşən yeni Nar Mobile VİP Satış Mərkəzi istifadəyə verilib. Tədbirdə çıxış edən “Azərfon” MMC-nin baş direktoru Gido Helbix bildirib ki, yeni mərkəzi digərlərindən fərqləndirən əsas xüsusiyyət bu mağazada fiziki şəxslərlə yanaşı hüquqi şəxslərə də xidmətlərin göstərilməsidir. Mərkəzdə bütün mobil ödəmələrin qəbulu, eləcə də böyük çeşiddə ən yeni mobil telefon modellərinin satışı həyata keçirilir.
Facebook – ümumdünya sosial şəbəkəsi azərbaycan dilinə tərcümə olunur. Bu bərədə məlumat verən, könüllü tərcüməçilərdən biri Turxan Kərimov qeyd edib ki, hazırda bütün saytın tərcümə işləri başa çatmaq üzrədir. Şəbəkənin azərbaycan dilinə tərcüməsi nəticəsində saytda, ingilis dilini bilməyən azərbaycanlı istifadəçilərinin sayı artacaq, 1news yazır. Qeyd edək ki, hazırda Facebook-un dəstəklədiyi dillərin sayı 17-yə çatıb.
Braziliyada İnternet-provayderlər bütün müştərilərinə dosyelər açacaqlar. Bu təklif, kibercinayətkarlıqla və internet şəbəkədə baş verən qanun pozuntuları ilə mübarizə üzrə yeni qanun layihəsi tərəfindən müəyyən olunub. Yeni qanuna əsasən, internet-provayderlər müştərilərinin şəbəkəyə qoşulmaları haqda informasiyanı üç ilə dək gizli saxlamağa borcludular və hüquq mühafizə orqanları onu istədiyi təqdirdə təqdim etməlidirlər. Bundan əlavə xidmət göstərənlər, internet şəbəkəsində baş verən istənilən cinayət barədə xəbər verməyə borcludular.
İlk üç satış günü ərzində dünya üzrə 1 milyondan çox iPhone 3G smartfonları satılıb. Milyonuncu telefon iyul ayının 13-də, bazar günü satılıb. Xatırladaq ki, yeni qurğu eyni zamanda 21 ölkədə ötən cümə günü satışa çıxarılıb. Ötən il, ilk üç satış günü ərzində cəmi 270 min birinci nəsil iPhone satılıb. Bir milyon iPhone satmaq üçün Apple şirkətinə 74 gün lazım olub.
Yandeks (rusca Я ндекс) Rusiyanın ən böyük arama motoru və portalıdır. O 1997-ci ildə yaradılıb. Onun adı “Yet Another iNDEXer” (YANDEX) və ya dil indeksi (“Языковой Index”) anlamını verir. Rusca «Я» sözü ingiliscə “I” ilə eyni anlam daşıyır, yəni mən şəxs əvəzliyi (I şəxsin təki) Bunu da çevirəndə ikimənalı olur: yəni «Яндех» və «Index».
Dünyanın ən çox istifadə edilən e-poçt xidmətlərindən Hotmail –i Hindistan əslli bir müsəlman gəncin tapdığı ortaya çıxdı. Bu anda Microsoft korporasiyasına aid olan söz mövzusu mailin arxasında əslində böyük bir müvəffəqiyyət hekayəsi yatır. Bu müvəffəqiyyətin altına imza atan gənc Hindli Müsəlmanın adı Sabir (Sabeer) Bhatia. 1988-ci ildə Sabir, Stanford Universitetində təhsil almaq üzrə ABŞ -a gəlir. Buradan məzun olduqdan sonra internet firmalarından birində işə başlayır, ardından eyni universitetdən məzun olan Cek Smit adlı bir gənclə tanış olur.
Google axtarış sisteminin rəsmi bloqunda, şirkətin personajları hərəkət edən, üçölçülü sosial şəbəkənin istifadəyə verməsi haqda deyilir. Yeni məhsul Lively adlanır və bir çox cəhəti ilə Second Life oynunu xatırladır. Lakin oyundan fərqli olaraq, müvafiq plaqini qurduqdan sonra o, brauzerdə birbaşa işə düşür. Lively istifadəçilərinə özlərinin üçölçülü hərəkət edən personajlarını yaratmağa təklif olunur. Personajın cinsini, üz cizgilərini, saç düzümünü və geyimini seçmək olar. Personajı seçdikdən sonra, adi sosial şəbəkə səhifəsinin analoqu olan özünüzün virtual otağınızı tərtib etməlisiniz.
Iyulun 11-də üçüncü nəsil mobil şəbəkələrdə işləyən Apple iPhone 3G mobil telefonlarının satışına başlanılıb. iPhone-un yeni modeli Apple rəhbəri Stiv Cobs tərəfindən iyunun 9-da təqdim edilib. Aparat şəbəkələrdə GSM/EDGE, UMTS/HSDPA standartlarının işini dəstəkləyir, həmçinin simsiz Wi-Fi (802.11b/g) və Bluetooth 2.0 şəbəkələrində işləyir. Özundən əvvəlki modeldən fərqli olaraq, iPhone 3G GPS peyk naviqasiya sisteminin inteqrasiya edilmiş qəbuledici ilə təchiz edilib. iPhone 3G-nin 8 qB yaddaşı olan modifikasiyasının dəyəri 199 dollar və 16 qB informasiya yerləşən versiyanın dəyəri 300 dollardır.
ZDNet yazır ki, bir neçə iri İT-korporasiyaları, həmçinin Microsoft, Sun və Cisco, əlaqəli olaraq, domen adları internet-ünvanının uyğun olmasına cavab verən DNS sistemdə aşkar olunan ciddi zəifliyi aradan qaldıran patç hazırlayıblar. Zəiflikdən istifadə edən ziyankarlar, trafiki istənilən veb-ünvandan öz serverlərinə yönəldə bilərdilər.
Təhqiqatlar aparan Net Applications şirkəti maraqlı məlumatlar təqdim edib. Sən demə, hamı tərəfindən yaxşı tanınan Windows Vista əməliyyat sistemi, bütün dünya kompüterlərinin 16.14 faizində qurlaşdırılıb. Bu göstərici yeni istifadəyə verilmiş əməliyyat sistemi üçün heç də pis deyil. Lakin bu rəqəm, sözügedən əməliyyat sisteminin yayılması üçün şirkətin göstərdiyi səylər qarşısında müqaisə edilməz dərəcədə azdır. Özünüz müqaisə edin – liderliyi hamı tərəfindən sevilmiş, planetimizin 71.2% kompüterlərini əsarəti altında saxlayan Windows XP əməliyyat sistemi edir.
Daily Telegraph qəzeti ən faydalı veb-saytların siyahısını dərc edib. Bloknot, gündəlik və təqvim (hamısı virtual şəkildə) backpackit.com portalında saxlanılır. Siyası tərtib edənlər xəbər saytları arasında marumushi.com/apps/newsmap seçiblər. Daha bir, sadə istifadəçilərin tövsiyələrinə əsaslanan faydalı sayt – digg.com saytıdır.
Braziliyada İnternet-provayderlər bütün müştərilərinə dosyelər açacaqlar. Bu təklif, kibercinayətkarlıqla və internet şəbəkədə baş verən qanun pozuntuları ilə mübarizə üzrə yeni qanun layihəsi tərəfindən müəyyən olunub. Yeni qanuna əsasən, internet-provayderlər müştərilərinin şəbəkəyə qoşulmaları haqda informasiyanı üç ilə dək gizli saxlamağa borcludular və hüquq mühafizə orqanları onu istədiyi təqdirdə təqdim etməlidirlər. Bundan əlavə xidmət göstərənlər, internet şəbəkəsində baş verən istənilən cinayət barədə xəbər verməyə borcludular.
Azərbaycan Rabitə və İnformasiya Texnologiyaları Nazirliyi (RİTN) tərəfindən ölkədə Mobil nömrə portativliyi (MNP) xidmətinin tətbiqinə baxılır. RİTN-də qeyd edirlər ki, həmin xidmətin köməyi ilə abunəçilər operatorun dəyişdirilməsi zamanı öz telefon nömrələrini saxlamaq imkanı əldə edirlər.
Respublika ərazisində universal telekommunikasiya xidmətlərinin tətbiqi ilə bağlı müvafiq işlər görülür. Rabitə və İnformasiya Texnologiyaları Nazirliyindən AzərTAc-a bildirmişlər ki, regionlarda NGN şəbəkəsinin qurulması istiqamətində “Elektron Şamaxı” layihəsinin başa çatdırılması ilə Şamaxı rayon mərkəzində və kəndlərdə ən müasir tələblərə cavab verən rabitə şəbəkəsi qurulmuşdur.
Net Applications tərəfindən aparılan bir araşdırma Windows əməliyyat sistemini istifadə edən kompüter istifadəçilərinin sayında eniş olduğunu göstərdi. Araşdırma, internetə bağlı istifadəçilər arasında aparılıb. Araşdırmanın məqsədi, kompüter istifadəçilərinin hansı əməliyyat sistemini daha çox istifadə etdiklərini təyin etmək olub. Bu araşdırmaya görə Windows istifadəçilərinin sayı 90%-dən aşağı düşmək təhlükəsi yaşarkən , Applenin Mac OS X əməliyyat sistemindən istifadə edənlərin sayı 10%-i keçmək üzrədir.
Azərbaycanda əhaliyə fərdi kompüterlərin güzəştli şərtlərlə satışını nəzərdə tutan «Xalq kompüteri» layihəsinin icrasında Rabitə və İnformasiya Texnologiyaları Nazirliyi (RİTN) «Azərpoçt» Dövlət Müəssisəsinin şəbəkəsindən istifadə olunacaq. Nazirlikdən verilən məlmata görə, mövcud imkanların analizi göstərir ki, proqramın reallaşdırılması üçün daha çox uyğun gələn şəbəkə 1700-ə yaxın şöbəsi olan «Azərpoçt»un infrastrukturudur.
AzərTAc xəbər verir ki, Rabitə və İnformasiya Texnologiyaları Nazirliyi milli rabitə peykinin buraxılması üzrə “AzərSat” layihəsinin reallaşdırılması ilə bağlı işləri davam etdirir. Proqrama əsasən Azərbaycanın süni peykinin yaradılması 2010-cu ilin birinci yarısında həyata keçirilməlidir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları