Tezliklə, meksikalılar portmanatlarını evdə qoyub mağazalarda, restoranlarda, taksilərdə mobil telefonun köməyi ilə pul ödəyəcəklər. Meksikanın yerli KİV-nin dediyinə görə, bu fikir mobil əlaqə operatorları tərəfindən irəli sürülüb. Onlar xidmətin reallaşmasında yerli banklarla əməkdaşlıq etmək niyyətindədirlər.
Nokia rəsmi olaraq yeni mobil telefon – Nokia N85 modelini təqdim etdi. Bu model 2,6 düymlük AM OLED displeyi ilə 16 mln. rəng əks etdirməyə və 5 meqapikselli kameraya malikdir. Oyunlara gəldikdə isə, telefonun N-Gage üçün xarakterik olan oyun düymələri və 10 standart demo-oyunu var ki, bunlardan birini istifadəçi pulsuz seçə bilər.
Hindistanın Spise firması dəyəri 20 ABŞ dolları olan dünyanın ən ucuz telefonunu istehsal edib. Bu telefonun ekranı və digər funksiyaları yoxdur. Çünki istehsalçılar bunu lazım bilməyiblər. Kompaniya nümayəndələri bu telefonu “Sadəcə telefon” adlandırır və yaxın vaxtlarda telefon bazarına 10 milyon ədəd belə telefon “tullamaq” fikrindədir. Spise az bir zamanda dünyaya 10-20 dollar arası qiymətdə telefonlar “hədiyyə” etməyi planlaşdırır.
Nokia Smart Spacer Lab kompaniyası videokonfranslar aparmaq üçün ev telefon robotu Jeppe-nin prototipini yaradıb. Qurğu ağ rəngli gülümsəyən insan başı formasındadır. Nokia N810 internet-planşetin köməyi ilə, bluetooth-la idarə olunur. Bundan başqa, Jeppe-də Lego NXT robotunun bloku da işə salınıb.
Nielsen Company-nin analitikləri Rusiyanı mobil internetdən istifadəyə görə Avropada üçüncü, dünyada isə dördüncü ölkə adlandırıblar. Onların araşdırmalarından belə məlum olub ki, Avropa və Amerikanın sakinləri telefonda internetdən poçtu oxumaq və xəbərləri izləmək üçün istifadə edirlərsə,
Bu ilin birinci yarısında Azərbaycanın telekommunikasiya və poçt müəssisələri tərəfindən hüquqi və fiziki şəxslərə faktiki qiymətlərlə 423,4 mln. manatlıq və ya əvvəlki ilin yanvar-iyun ayları ilə müqayisədə 37,3% çox rabitə xidməti göstərilib. Dövlət Statistika Komitəsinin məlumatına görə, xidmətlərin 79,3%-i bilavasitə əhaliyə göstərilib. Əldə olunan gəlirlərin 71,3 %-i mobil telefon rabitəsindən yaranıb və 2007-ci ilin yanvar-iyun ayları ilə müqayisədə bu xidmətlərin həcmi 42,2% çoxalıb.
Çində mobil rabitə abunəçilərinin sayı 601 milyon nəfər təşkil edib. Cəmi, ilin əvvəlindən bu ölkədə mobil rabitə abunəçilərinin sayı 53,5 milyon nəfər artıb. İyun ayında mobil şəbəkəyə 8,63 milyon abunəçi qoşulub.
Iyulun 11-də üçüncü nəsil mobil şəbəkələrdə işləyən Apple iPhone 3G mobil telefonlarının satışına başlanılıb. iPhone-un yeni modeli Apple rəhbəri Stiv Cobs tərəfindən iyunun 9-da təqdim edilib. Aparat şəbəkələrdə GSM/EDGE, UMTS/HSDPA standartlarının işini dəstəkləyir, həmçinin simsiz Wi-Fi (802.11b/g) və Bluetooth 2.0 şəbəkələrində işləyir. Özundən əvvəlki modeldən fərqli olaraq, iPhone 3G GPS peyk naviqasiya sisteminin inteqrasiya edilmiş qəbuledici ilə təchiz edilib. iPhone 3G-nin 8 qB yaddaşı olan modifikasiyasının dəyəri 199 dollar və 16 qB informasiya yerləşən versiyanın dəyəri 300 dollardır.
Azərbaycan Rabitə və İnformasiya Texnologiyaları Nazirliyi (RİTN) tərəfindən ölkədə Mobil nömrə portativliyi (MNP) xidmətinin tətbiqinə baxılır. RİTN-də qeyd edirlər ki, həmin xidmətin köməyi ilə abunəçilər operatorun dəyişdirilməsi zamanı öz telefon nömrələrini saxlamaq imkanı əldə edirlər.
AzərTAc xəbər verir ki, Rabitə və İnformasiya Texnologiyaları Nazirliyi milli rabitə peykinin buraxılması üzrə “AzərSat” layihəsinin reallaşdırılması ilə bağlı işləri davam etdirir. Proqrama əsasən Azərbaycanın süni peykinin yaradılması 2010-cu ilin birinci yarısında həyata keçirilməlidir.
Əvvəllər axtardığımız insanı ya evdə, ya da işdə tapa bilərdik. Onu işlə evin arasında hansısa bir telefon köşkünün yanından keçərkən “yaxalamaq” isə təbii ki, qeyri-mümkün məsələdir. Bu günkü dövrümüzdə isə bizə lazım olan şəxslə birbaşa əlaqə imkanı yaradan mobil telefonların əhəmiyyəti ölçüyəgəlməzdir. Istənilən yerdə, istənilən məqamda, gecikmədən və təxirə salmadan insanlar bir-biri ilə əlaqə saxlayır, işlərini zaman itirmədən həll edirlər. Insan bir anlıq düşünməyə məcbur olur: “Mobil telefonsuz necə yaşamışıq?”.
Yeni istehsal edilən qulaqcığın xammalı titan olduğundan ağırlığı hiss olunmur...
Paytaxtda mobil telefon vasitəsilə uşaq pornoqrafiyası ilə bağlı görüntülər yayan şəxs tutuldu. Bu barədə Baş Prokurorluq məlumat yayıb. Belə ki, mayın 1-də Respublika Prokurorluğunda paytaxtda naməlum şəxslər tərəfindən mobil telefon vasitəsilə uşaq pornoqrafik görüntülərinin yayılması faktı ilə bağlı Cinayət Məcəlləsinin 242-ci maddəsilə cinayət işi başlanıb və iş Daxili İşlər Nazirliyinin Mütəşəkkil Cinayətkarlıqla Mübarizə İdarəsinə göndərilib.
Opera mobil brauzer istehsalçılarının apardığı araşdırmalara əsaslanaraq, Computerworld xəbər verir ki, mobil internet auditoriyasının 88 faizi kişilərdən ibarətdir. Mobil internet daha çox 18 yaşdan 28 yaşa dək olan gənclər arasında populyarlıq qazanıb. Onlar bütün mobil internet-istifadəçilərin 39 faizini təşkil edir. 28 yaşdan 37 yaşa dək insanların payına mobil internet-istifadəçilərin 34 faizi düşür.
“Azercell Telekom”dakı dövlət payı özəlləşdirildi. Bakı, 12 fevral 2008 Azərbaycanın ən iri mobil operatoru olan “Azercell Telekom” Birgə Müəssisəsindəki dövlətə məxsus pay özəlləşdirilib. Şirkətin nizamnamə kapitalındakı 35,7 faizlik dövlət payı 180 milyon ABŞ dollarına “Azertell Telekommunikasyon Yatırım Dış Ticaret A.Ş.” şirkəti tərəfindən özəlləşdirilib. Bu haqda bu il fevralın 11-də həmin şirkətlə Dövlət Əmlakının İdarə Edilməsi üzrə Dövlət Komitəsi arasında alqı-satqı müqaviləsi imzalanıb.
Belçikada bir qrup pediatr- alim 16 yaşına çatmamış uşaqların mobil telefondan istifadəsinə qadağa qoymağa çağırış kampaniyasına başlayıb. “Radiasiyanın qarşısını alın” mövzusunda keçirilən kampaniyanın təşkilatçıları naqilsiz telefonların və səs ötürücülərinin uşaq orqanizmi üçün həddən artıq təhlükəli olduğu qənaətindədirlər. Həkimlər körpə uşaqlara oyuncaq kimi mobil telefonların verilməsini daha böyük təhlükə mənbəyi hesab ediblər.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları