TƏDBİRLƏR

Bu gün «Gənc Liderlər» Uşaq və Gənclər Təşkilatı (UGT)  «AMV» İstehsalat Birliyinin dəstəyi ilə “Bakı SOS Uşaq Kəndi” də «Gəlin Birgə oxuyaq» adlı kitab aksiyasına start verib.

Tədbirdə çıxış edən «Gənc Liderlər» UGT-nin sədri Fərid Şahbazlı bildirib ki, “Gəlin birgə oxuyaq” adlı kitab aksiyası davamlı olacaq və şəhər və rayonların orta məktəblərində də uşaqlara kitablar hədiyyə ediləcək: «Bu aksiyada biz uşaqlara 100-ə yaxın müxtəlif kitablar⢀ nağıllar, bədii əsərlər, dərs vəsaitləri təqdim etdik. İnanırıq ki, bu kitablar onlara cəmiyyət üçün layiqli vətəndaş olmağa kömək olacaq. Əsas məqsəd 2009-cu il uşaq ilində uşaqlarda kitaba maraq oyatmaqdır».

Daha sonra çıxış edən “Bakı SOS Uşaq Kəndi”-nin direktoru Əli Axundov  bildirib ki, hazırda “Bakı SOS Uşaq Kəndi” -ndə 96 nəfər uşaq məskunlaşıb: “Məktəbyaşlı uşaqlar kəndin yaxınlığındakı orta məktəblərə, azyaşlı uşaqlar isə Bakı SOS Uşaq Baxçasına gedirlər. Bu uşaqlardan 3 nəfəri Olimpiya İdman Məktəbində, 5 nəfəri rayonlarında yerləşən Özəl Türk Litseylərində, 1 nəfəri Ali Hərbi Akademiyada təhsil alırlar. Onlar üçün bu cür tədbirlərin təşkili çox vacibdir».

Qeyd ədək ki, «Gənc Liderlər» UGT-nın təşkil etdiyi tədbirdə SOS Uşaq Kəndində məskunlaşan 60 uşaq iştirak edib. Uşaqlar üçün aksiya çərçivəsində musiqili proqram təşkil olunub və tanınmış müğənni İbrahim Borçalı uşaqları öz ifaları ilə şənləndirib.