Ötən gün BAKU2015 həştəqi dünya trendləri arasında olub

13-06-2015 / 17:17

Dünən “Bakı-2015” I Avropa Oyunlarının möhtəşəm rəsmi açılış mərasimi baş tutdu. Oyunların açılış mərasimi sosail mediada ən çox müzakirə olunan, paylaşılan mövzulardan oldu. Sosial mediada, xüsusilə də Twitterdə əsasən İlk Avropa Oyunları ilə əlaqəli həştəqlər üstünlük təşkil edirdi.

Xəbər verdiyimzi kimi, bir neçə gün əvvəl mərkəzi ofisi Torontoda yerləşən Beynəlxalq Söz Azadlığı Mübadiləsi Şəbəkəsi -İFEX dünyanın bütün qütblərində yerləşən jurnalist təşkilatlarına və insan hüquqlarının müdafiəsi üzrə ixtisaslaşmış QHT-lərə müraciət edərək, onları Avropa Oyunlarının Azərbaycanda keçiriləmsinə qarşı twitter kampaniyasına qoşulmağa çağırmışdı.

Bir sıra media qurumları, o cümlədən Azərbaycan Mətbuat Şurası jurnalistlərə müraciət edərək, onları bu kampaniyaya qarşı aktiv fəaliyyət qurmağa, I Avropa Oyunlarının rəsmi twitter səhifəsində, #baku2015 həştəqi ilə Azərbaycan həqiqətləri barədə gərəkli informasiyalar yerləşdirməyə, səsimizin dünyaya çatdırılmasına yardım göstərməyə səslədi.

Xeberler.az-ın araşdırması göstərib ki,  Avropa Oyunları ərəfəsində Azərbaycanlı twitter istifadəçilərinin ən çox işlətdiyi həştəq #baku2015 olub.

Baxmayaraq ki, Azərbaycanda Facebook istifadəçilərinin sayı Twitter istifadəçilərdən az qala 10 dəfə çoxdur, 2-cinin beynəlxalq ictimai rəyə təsir imkanlarının çox olduğunu nəzərə alaraq  Azərbaycana qarşı bu sosial mediadan istifadə etməyi düşünüblər.

Müşahidələrimiz göstərib ki, yalnız adı çəkilən beynəlxalq şəbəkə deyil, beynəlxalq  insan hüquqları ilə məşğul olan bəzi  qruplar da Azərbaycanda insan hüquqları sahəsində problemlərin olduğunu bildirərək bu sosial mediada “hücuma” keçiblər. Bu məqsədlə isə daha iki yeni həştəqdən,  #realbaku2015 və #realbaku  həştəqlərindən istifadəyə başlayıblar.

Beləliklə də, ötən gün Twitterdə əsil həştəq müharibəsi  də baş tutub.  Və bu müharibə elə bu anlarda da davam edir.

Bəs görəsən bu kampaniyanın ilkin nəticələri necə olub, hansı informasiyalar qeyd olunan həştəqlərlə yayılıb, hansı informasiyalar üstünlük təşkil edib?

“Ermənilər, onlarla iş birliyi edənlər, xaricdəki bəzi xidmət orqanlarına çalışan şəxslər dünən ölkəmizə qarşı anti-Azərbaycan təbliğatına başlamışdılar. Lakin biz Avropa Oyunlalaırnı olduğu kimi təqdim etmək üçün əlimizdən gələni etdik və həmin qüvvlərin hücumları iflasa uğradı”.

Bunu Xeberler.az-a media ekspert Azər Həsrət Oyunlarla bağlı  sosial mediada olan fəaliyyətdən və Azərbaycana qarşı qarayaxma kampaniyası həyata keçirən qurumlardan danışarkən deyib.

O, məlumat verib ki, Azərbaycana qarşı müəyyən dairələr tərəfindən hücumlar əvvəlcədən da nəzərdə tutulduğu üçün onlar mübarizəyə hazır olublar. Aparılan ciddi mübarizə nəticəsində bunun öhdəsindən gəliblər:
“Məlumatımız var idi ki, Oyunların açlışını gözdən salmaq üçün xaricdən müəyyən dairələr hərəkətə keçəcəklər, sosial mediada bizi aşağılayan, həqiqətə uyğun olmayan infromasiyalar paylaşacaqlar.Biz isə bunu nəzərə alaraq Avropa Oyunlarının açılış mərasimini, bununla bağlı paylaşımları çoxaltdıq. #bakı2015 həştəqi ilə Twitterdə -də çoxsaylı müsbət paylaşımlar etdik. Açılış mərasimi ərəfəsində bu həştəq dünya trendləri arasında 9-cu sırada idi. Həmçinin də bir sıra ölkələrin, Türkiyənin, İtaliyanın, Ukraynanın da  trendlərində öndə gedirdi”.

Onun sözlərinə görə, Oyunların açılış mərasimində Facebook -da əsas trendlər “Möhtəşəm”, Super”, “Əla” sözləri olub. 

Azər Həsrət məlumat verib ki, açılış mərasimindən daha çox paylaşım edənlər isə Türkiyə, Almaniya, Fransa olub:

“Baxmayaraq ki, Almaniyanın rəsmi şəxslərinin Azərbaycana gəlməməsi ilə bağlı bir çox mənfi fikirlər var idi, amma dünən izləyiciləri 600 mindın çox olan Almaniya Mili Olimpia Komitəsinin Twitter səhifəsindən çoxlu sayda paylaşımlar edilirdi.
Həmin paylaşımlar isə tamam siyasətdən kənar idi.

Bununla yanaşı, Böyük Britaiyanın idmançılarının rəsmi səhifəsindən də Oyunlarla bağlı müsbət paylaşımlar edilirdi. Səhifənin 32 min təqibçisi var. Ümumiyyətlə, dünən xarici nümayəndələrin paylaşımlarından Bakı haqda bu günə qədər eşidilməyən təriflər dünən açılış mərasimi ilə bağlı sosial mediada paylaşıldı. Əsasən də Türkiyə, Fransa, Almaniya, İngiltərə bu işdə fəal idi”.

Media eksperti Xeberler.az -a onu da bildirib ki, Facebook üzərindən də ciddi çalışmalar müşahidə edilib. Facebook üzərindən təxminən 90-99 faiz insan müsbət paylaşım edib:

“Azərbaycana həm turist kimi, həm də İdman Oyunlarında iştirak üçün gəlmiş şəxslər də sosial media  üzrərindən bol-bol paylaşımlar etdilər. Bu paylaşımlar siyasətdən uzaq idi. Onlar gördüklərini paylaşırdılar. Məlum anti qrup isə tam olaraq iflasa uğradı”.

Məltəm Talıbzadə 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.