Formula 1-in informasiya təminatı necə qurulub?

16-06-2016 / 16:43

Məlum olduğu kimi, Sabah Bakıda ilk dəfə Formula 1 üzrə Avropa Qran Prisinə start veriləcək. 

Artıq yarışda iştirak edən komandalar Azərbaycana gəlib.

Son bir neçə gündür idmançıların ölkəmizə gəlişi, ümumiyyətlə, Formula 1 istiqamətindəki işlərlə bağlı sosial mediada çox paylaşımlar edilir.

Yarışların təşkilində texniki və texnoloji tərəflər, informasiya təminatı da cəmiyyətin maraq dairəsində olduğundan Xeberler.az olaraq bununla bağlı mütəmadi məlumatlar yayımlayırıq.

Xeberler.az-ın məlumatına görə, hazırda Formula 1 yarışları sosial mediada ən çox müzakirə olunan, paylaşılan mövzulardandır.

Sosial mediada, xüsusilə də Twitter-də əsasən Formula 1 ilə əlaqəli həştəqlər üstünlük təşkil edir.

Müşahidələrimiz göstərir ki, Formula 1 ilə bağlı həştəqlər (#F1Baku #EuropeGP #F1) dünya trendləri arasında 1-cidir.



Qeyd edək ki, Formula 1 Baku-nun rəsmi Twitter səhifəsi [email protected] aktiv idarə olunur.

Yarışlarla bağlı bütün məlumatlar operativ olaraq səhifədən paylaşılır.
İdmançılar haqda, onların ölkəmizdə olduqları barədə şəkillərlə bərabər ətraflı məlumatlar paylaşılır.

Hazırda səhifənin Twitter-də 23 mindən çox izləyicisi var.

Vətəndaşlar da Twitter səhifələrində sabahki açılışla bağlı #F1Baku #EuropeGP #F1  həştəqləri ilə fikirlərini bölüşür.

Həmçinin yarışı izləyəcək tamaşaçıların da sualları cavablandırılır və onlara ərazilər barədə istiqamətverici məlumatlar verilir.

Eyni zamanda yarışın rəsmi Facebook səhifəsində də (Baku City Circuit - F1 Grand Prix of Europe) aktivlik müşahidə edilir.

Səhifənin 211 mindən çox izləyicisi var.



Diqqətimizi çəkən bir məqam isə paylaşımların yalnız 2 dildə olmasıdır ( Azərbaycan, ingilis).

Hətta Facebook-da paylaşımlar yalnız Azərbaycan dilində paylaşılır. Düşünürük ki, sosial mediada bir neçə dildə ( Azərbaycan, ingilis, rus və s.) paylaşımlar edilsə, daha faydalı olar.

Məsələn, Baku Grand Prix şirkətinin milli mətbuat katibi, Marketinq və kommunikasiya şöbəsinin rəhbəri Nigar Arpadarai sosial mediada çox aktivdir və yarışlarla bağlı vacib paylaşımlarını əksər vaxt 3 dildə edir.

Bu arada yarış təşkilatçılarının da sosial mediadan faydalı istifadə edib, insanlara operativ məlumat çatdırması diqqətlərdən yayınmır.

Baku City Circuit-in İnstagram səhifəsinə də ciddi nəzarət edilir.

FacebookTwitter-də paylaşılan şəkillər, həştəqlər İnstagram-da paylaşılır.



Baku City Circuit-in İnstagram səhifəsinin 5 mindən çox izləyicisi var.

Məlumat verdiyimiz kimi, F1 Baku Gran-pri yarışmasının rəsmi saytı www.bakucitycircuit.com- a da Eurodesign şirkəti tərəfindən ciddi nəzarət edilir.

Qeyd edilir ki, saytın təhlükəsizliyi və kiber hücumlardan müdafiəsi üçün bütün qabaqlayıcı addımlar atılır.

Sayt funksionallığı ilə seçilsə də, məlumatların paylaşılması baxımından o qədər də aktivlik müşahidə edilmir.

Saytda yarışlar, idmançılar, biletlər almaq barədə ətraflı məlumat qeyd edilib.

Həmçinin hazırda ölkəmizdə olan idmançıların görüşləri barədə də məqalələr yayımlanır. Sayt 4 dildə ( Azərbaycan, türk rus, ingilis) xidmət göstərir.

 Saytın iOS Android üçün mobil tətbiqləri də istifadəyə verilib.

 

Əldə etdiyimiz məlumata görə, mobil əlavələr Baku City Circuit qurumun sifarişi ilə 2.0 şirkəti tərəfindən hazırlanıb.

 

Tətbiq Android telefonlarında artıq 100 dəfə yüklənib.

Baku City Circuit-in rəsmi YouTube səhifəsi də oyunlar barədə videolar təqdim edir. 

Bundan əlavə, yarışlar ərəfəsində kiber hücumlarla bağlı əvvəlcədən tədbirlər görüldüyü də qeyd edilir.

Azərbaycan Xüsusi Dövlət Mühafizə Xidmətinin Kompüter İnsidentlərinə qarşı Mübarizə Mərkəzi (CERT) xakerlərin məqsədyönlü hücumlarının olacağını istisna etmir.

Buna görə də Mərkəz gücləndirilmiş iş rejiminə keçib.

Paytaxtın mərkəzi küçələrində təşkil olunacaq Qran Pridə avtomobillər Hökumət evinin qarşısından Qız Qalası, İçəri Şəhər və Azneft dairəsindən keçməklə saat əqrəbinin əksi istiqamətində 51 dövrə vuracaqlar.

Yürüşün keçiriləcəyi Bakı Şəhər Halqasının uzunluğu 6006 metrdir. Yarışa 11 komandadan 22 sürücü qatılacaq. Onların arasında 5 dünya çempionu - Sebastian Fettel, Lyuis Hemilton, Fernando Alonso, Kimi Raykkönen və Censon Batton da var. Alonso həm də Avropa Qran Prisinin səfiridir.

Proqrama əsasən, sabah pilotlar yarış məkanını praktiki sınaqdan çıxaracaqlar. İyunun 18-də saat 17:00-da təsnifat yarışı olacaq. İyunun 19-da eyni saatda isə Avropa Qran Prisinin əsas yarışı baş tutacaq.

 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.