AZNET

Azərbaycan İnternet Forumunun prezidenti Rabitə və İnformasiya naziri Əli Abbasova nazirliyin İnternetin azad rəqabətinə və bazarına mane olması və onun siyasətinin ölkənin geri qalmasına gətirib çıxardığını bildirən sərt məktub göndərib. O.Gündüz Ə.Abbasovun İnternetdə inhisarlaşma aparması ilə yanaşı İnternetin keyfiyyətinin və sürətinin kəskin aşağı düşməsini qeyd edir. “Novosti-Azerbaycan” Osman Gündüzdən məktubun göndərilməsi səbəbini izah etməsini xahiş edib:

Biz Rabitə və İnformasiya Texnologiyaları Nazirliyinə son yarım ildə Azərbaycan İnternetində yaranan dözülməz vəziyyətlə bağlı məktub göndərdik. Soruşduq ki, niyə Azərbaycanın İnterneti qonşu ölkələrinkindən 30 dəfə baha və həm də keyfiyyətsizdir. Biz Azərbaycan İnternet Forumu olaraq Nazirliyin binası qarşısında etiraz aksiyası keçirməyə hazırıq, bu iddia ilə Bakı Şəhər İcra Hakimiyyətinə müraciət edəcəyik. Əgər nazir tədbir görməsə biz etirazın başqa formalarına müraciət edəcəyik. Bu artıq usandırıcı mövzudur, lakin biz nazirə yaranmış vəziyyətin səbəbləri haqda da məlumat vermişik. Ölkəmiz inkişaf edir və vətəndaşların sürətli, keyfiyyətli İntenetə ehtiyacı olur. Niyə Rusiya və Türkiyə vətəndaşları İnterneti bizdən 30 dəfə effektli ala bilirlər, bu o deməkdir ki, həmin ölkələr yaxın zamanlarda informasiya texnologiyaları sahəsində bizi 30 dəfə qabaqlayacaqlar.

Müşahidələrimizə görə, Rabitə və İnformasiya Texnologiyaları Nazirliyində olan gerilik tendensiyası dözülməz həddə çatıb. Hətta biz – bu sahədə ixtisaslaşmış ictimai təşkilat Rabitə Nazirliyindən informasiya almağa və nazirliyin əməkdaşları ilə görüşməyə çətinlik çəkirik. Və nəhayət nazir müavinləri heç şübhə etmədən və çəkinmədən milli domenlərin qeydiyyatı ilə bağlı qeyri-qanuni bəyanatlar yayırlar. Elmi məruzə ilə çıxış edən nazir müavini milli domenlərin qeydiyyatı, hətta bununla bağlı qeyri-qanuni həyata keçirilmiş iş haqda öz mülahizələrini söyləyirdi.

Bununla yanaşı qanunla Rabitə və İnformasiya Texnologiyaları Nazirliyi bu işlə tək məşğul olmamalıdır. “Telekommunikasiya haqqında Qanun”da deyilir ki, nazirlik bu işi “müvafiq idarələrlə birlikdə” həyata keçirməlidir. Əvvəlki nazirlər bunu gizli edirdilərsə, indiki Nazirliyin demokratik imicli məmurları öz qeyri-qanuni fəaliyyətləri barədə açıq bəyanat verirlər.

Kim onlara “Telekommunikasiya haqqında Qanun”u pozmağa ixtiyar verib?