Bu gün Azərbaycan Milli Elmlər Akademiyasının (AMEA) Rəyasət Heyətində AMEA ilə Böyük Britaniyanın BP Eksploreyşn (Kaspian Si) Limited şirkəti arasında görüş keçirilib.
Xeberler.az-ın məlumatına görə, görüşdə “Azərbaycanda elm və innovasiyaların tətbiqi sahəsinin inkişafı üzrə fəaliyyətlər” layihəsi çərçivəsində əməkdaşlıq perspektivləri müzakirə olunub.
Tərəflər müzakirə olunan istiqamətlər üzrə əməkdaşlığın inkişaf etdirilməsinin əhəmiyyətini nəzərə alaraq, AMEA tərəfindən elmin ayrı-ayrı sahələrində əldə edilmiş nailiyyətlərin və innovativ yeniliklərin BP-nin operatoru olduğu layihənin həyata keçirildiyi ərazilərdə tətbiq edilməsi, sahibkarlıq subyektlərinin maarifləndirilməsi və fəaliyyətinin inkişafına kömək göstərilməsi barədə razılığa gəliblər.
Qurumlar texnologiyaların transferi və innovativ layihələrin aqrar sektor istiqamətində inkişafı barədə əməkdaşlıq edəcək, qabaqcıl texnologiya və metodların inkişafı və təkmilləşdirilməsi sahəsində təcrübə mübadiləsi aparacaq.
Əməkdaşlığın daha səmərəli və intensiv olması üçün zəruri əlaqələndirmə AMEA və BP-nin müvafiq təşkilatları tərəfindən həyata keçiriləcək.
Bununla əlaqədar olaraq görüşün sonunda AMEA-nın prezidenti, akademik Akif Əlizadə və BP-nin Azərbaycan-Gürcüstan-Türkiyə üzrə regional prezidenti Qordon Birrell müvafiq sənəd imzalayıblar.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları