PROQRAMLAR

Google şirkəti sentyabrın 29-dakı tədbirində Nexus 5X və 6P modelləri birlikdə Android 6.0 Marshmallow əməliyyat sistemini də təqdim edib.

Xeberler.az olaraq Android 6.0 Marshmallow əməliyyat sistemində olan yenilikləri sizlərə təqdim edirik.

Yenilənən tətbiq icazələri

Android 6.0 Marshmallow sistemində diqqəti cəlb edən yeniliklərdən biri yeni tətbiq icazələridi.Bununla tətbiqin istədiyi bütün icazələri ümumilikdə qəbul etmək olmayacaq. Yəni, tətbiqdə kameradan istifadəyə icazə verilən zaman mikrofona olan icazənin qarşısını almaq olacaq.

Chrome səhifələri və App Links

Android 6.0 Marshmallow ilə Chrome-da xüsusi səhifələr yeniliyi təqdim olunub. Bu yeniliklə Chrome-dakı səhifələri fərdiləşdirmək olacaq. Bundan başqa, Chrome-dan istifadə zamanı digər tətbiqlərə keçid etmək də mümkündür. Məsələn, App Links vasitəsilə sizə gələn Facebook bildirişinə daxil olduğunuz zaman avtomatik olaraq Facebook tətbiqində həmin bildiriş açılacaq.

Android Pay

Google-un mobil ödəniş sistemi Android Pay sadəliyi və təhlükəsizliyi ilə seçilir. Android istifadəçiləri artıq NFC funksiyasını dəstəkləyən smartfonları vasitəsilə bank kartları olmadan ödəniş edə biləcəklər. Android Pay-dən  700.000-dən çox mağazada istifadə etmək olacaq.

Barmaq izi oxuyucu

Android 6.0 Marshmallow ilə gələn yeniliklərdən biri də təkmilləşdirilmiş barmaq izi oxuyucusudur. Yenilənən barmaq izi oxuyucusu ilə Google Play vasitəsilə tətbiq yükləmək və e-ticarət saytlarından barmaq izi ilə alış-veriş etmək mümkündür.

Enerjini saxlama müddəti

Yeni əməliyyat sistemində enerjini saxlama müddətində böyük dəyişikliklər olunub. Belə ki, dəyişikliklərin nəticəsində batareyanın ömrü iki qata yaxın yaxşılaşıb. Bundan başqa, Android sistemi USB Type C girişini dəstəkləyəcək. "Doze" adlı funksiya vasitəsilə telefonun hərəkət qəbuledicilərinə uyğun yalnız sizin telefonunuz hərəkət etdiyində tətbiqləri aktiv olaraq istifadə edəcək. Beləliklə,telefonunuzdan istifadə etmədiyiniz zamanda batareya daha az enerji sərf edəcək.

Android 6.0 Marshmallow sisteminin mühüm yenilikləri arasında yenilənmiş paylaşma xidməti, mətni redaktə və daha rahat səs idarəediciləri yer alır.

Bundan əlavə yeniliklər arasında Bluetooth SAP texnologiyası, mətn seçimləri, təkmilləşdirilmiş üz tanıma, 5 GHz sürətində Wi-Fi hotspot, 7 əlavə dil, klaviaturada qısa yollar, Stylus dəstəyi, MIDI dəstəyi və təkmilləşdirilmiş  Wi-Fi axtarışı sistemi də var.

Ağasəf Haqverdiyev