Google Translate-dən böyük yenilik

05-09-2015 / 11:59

Məşhur tərcümə proqramı Google Translate yeni sistem üzərində işləyir.

Xeberler.az  xarici mətbuata istinadən  məlumat verir ki, Translate sözləri sistem daxilində tərcümə edə biləcək. Yəni, telefona yüklənilən tətbiqdən istifadə etmədən də sözləri tərcümə etmək mümkün olacaq.

Qeyd edək ki, Google Translate-in yeni xidməti  hələlik məhdud bir seqment tərəfindən istifadə edilə bilir.

Bu yeni xidmətdə  “ağıllı” telefonunuzdakı bütün yazılar Google Translate tərəfindən tanınacaq və həmin anda tərcümə olunacaq.

Məsələn, əvvəllər telefonla internetdə axtarış edərkən bilmədiyiniz söz ilə qarşılaşdığınızda tərcümə etmək üçün sözü qeyd edib, Google Translate tətbiqinə daxil olaraq əlavə etmək lazım idi. Tətbiq yeniləndikdən sonra isə bilmədiyiniz sözü seçdiyiniz anda avtomatik olaraq "tərcümə" yazısı çıxacaq və Google Translate tətbiqinə ayrıca  daxil olmağa ehtiyac qalmayacaq.

Google Translate-in yeni versiyasından hələlik yalnız  Marshmallow-un beta versiyasında istifadə olunur.

Android Marshmallow əməliyyat sistemi tam hazır olduqda isə sadəcə  Google Translate-in 4.3 versiyasını yükləməklə yeni xidmətdən istifadə edə biləcəksiniz.

Sevinc Çəltikova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.