Antiinhisar qurumu NRYTN üçün məcburi olan qərar qəbul edib

02-08-2019 / 12:14

Nömrə resursları necə ayrılır, nə üçün Azercell-in 3, Bakcell –in isə 1 kodu olmalıdır ?

Xeberler.az bildirir ki, Azercell dövlət şirkətinə yeni nömrə resursu, 010 kodu (prefiks) verilməsi ilə bağlı məlumatlar artıq bir ay öncədən mediada yayılıb. Yəni , yaxın müddətdə Azercell 010 xxx xx xx formada nömrələrin də satışını həyata keçirə biləcək.

Məsələ ilə bağlı İnternet Formunun Prezidenti, ekspert Osman gündüz münasibət bildirib. Diqqət etsək görərik ki, indiyədək mobil bazarda Azercellin və Narın hər birisinin 2 nömrə resursu var. Azercell 050 və 051 , Nar isə 070 və 077 kodları ilə mobil nömrələri istifadəyə verir. Ölkənin ilk mobil operatoru olan Bakcell isə uzun müddətdir ki yalnız bir koddan, 055 prefiksindən istifadə edir.

Ekspert qeyd edib ki, 2-3 ildir ki, Bakcell yeni nömrə resursu, 099 kodunun alınması üçün Nəqliyyat Rabitə və Yüksək Texnologiyalar Nazirliyinə rəsmi müraciət edib.  Lakin yeni kod alan tərəf isə Azercell olub.  

Belə olan halda sual yaranır ki, nə üçün 2 nömrə resursu olan mobil operatora 3-cü də verilir, amma cəmi bir kodu olan ölkənin ilk mobil operatoruna 2-ci kod ayrılmır? 

Hansı ki bu yeni resursla Bakcell xeyli inkişaf edə bilərdi, yeni müştərilər qazana bilərdi. İnfrasturktura investisiya yatıra bilərdi. Və sonda mobil bazarda rəqabətli mühit daha da inkişaf edərdi. Osman Gündüz düşünür ki, qanunvericilikdə nömrə resursunun ayrılmasından imtina üçün ciddi əsaslar olmadığı halda, Nəqliyyat Rabitə və Yüksək Texnologiyalar Nazirliyi diskriminasiya edir, ədalətsiz siyasət yürüdür, sərbəst və azad rəqabət prinsiplərini pozur.

Dövlət inhisarçılığı ilə özəl qurumun, Bakcell şirkətinin fəaliyyəti məhdudlaşdırılır. Antiinhisar fəaliyyəti haqqında , Telekommunikasiya haqqında Qanunların və Nömrə resurslarından istifadə Qaydlarının tələblərinə isə əməl edilmir. Həm tənzimləyici, həm də kommersiya səlahiyyətləri olan Nəqliyyat Rabitə və Yüksək Texnologiyalar Nazirliyi bu addımla Azercell-in bazarda süni surətdə üstün mövqeyini qorumağa çalışır. Ekspert hesab edir ki, bu çox kobud qanun pozuntusudur.

Bu prosesi tənzimləməli olan, təbbi inhisar subyektlərini yerində “oturtmalı” olan Antiinhisar Siyasəti Dövlət Xidməti bu məsələyə nə deyir ?

Osman Gündüz bildirib: "Antiinhisar qurumla bağlı əldə etdiyim məlumata görə artıq Bakcell bir il olar ki bu quruma Nəqliyyat Rabitə və Yüksək Texnologiyalar Nazirliyinin qanunsuz hərəkətlərindən-antiinhisar qanunvericiliyin tələblərinin pozulmasından dolayı rəsmi müraciət edib. Və hətta artıq bir-iki ay öncə bununla bağlı Antiinhisar qurum tərəfindən qərarın da çıxarıldığını öyrəndim. Qəribədir ki, bizim bəyənmədiyimiz, elə mənim də son zamanlar ciddi tənqid etdiyim Antiinhisar Dövlət Xidməti ötən ay antiinhisar qanunvericiliyin tələblərinin pozulduğunu əsas tutaraq Bakcell-ə nömrə resursunun – 099 kodunun ayrılması haqqında, təbii inhisar subyekti olan Nəqliyyat Rabitə və Yüksək Texnologiyalar Nazirliyi üçün məcburi olan qərar qəbul edib. Bu Qərarın artıq Nəqliyyat Rabitə və Yüksək Texnologiyalar Nazirliyini tərəfindən icra edildiyi və Bakcell-ə 099 kodunun verildiyi bildirilir. Şəxsən mən gözləmirdim ki Antiinhisar belə qərar qəbul edə bilər. Gərək ona qarşı tənqidləri bir az yumşaldaq".

Lakin Bakcell hələlik bu haqda açıqlama yaymayıb. Azercell-dən 010 ilə bağlı informasiya isə artıq sızıb. Görünür ki, Bakcell Nəqliyyat Rabitə və Yüksək Texnologiyalar Nazirliyi ilə müqavilə şərtlərini indiyədək razılaşdıra bilməyib.

Son olaraq ekspert qeyd edib ki, Nəqliyyat Rabitə və Yüksək Texnologiyalar Nazirliyin tez bir zamanda Antiinhisar Dövlət Xidmətinin qərarına uyğun olaraq Bakcell üçün 2-ci kod ayırmalı və nömrə resurslarından istifadəyə şərait yaratmalıdır. Məhz bundan sonra hər üç mobil operator üçün əlavə nömrə resurslarının ayrılmasına diqqət yetirilməsi daha doğru və ədalətli olar.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.