Sputnik Azərbaycanda radioyayıma başlayıb

02-07-2015 / 15:03

Sputnik beynəlxalq xəbər agentliyi Azərbaycanda radioyayıma başlayıb.

Xəbərlər-in Azərtac-a istinadən verdiyi məlumata görə, Sputnik Azərbaycan radiosu Araz radiostansiyasının dalğasında (103.3 FM) həftədə beş gün saat 10.00-dan 20.00-dək hər saatın əvvəli xəbər buraxılışları ilə canlı yayıma çıxır. Gün ərzində Sputnik Azərbaycan radiosu ən aktual dünya və region xəbərlərindən ibarət 11 informasiya buraxılışı ilə Azərbaycan dilində efirə qoşulur. Radio buraxılışlarını internetdə on-line izləmək, eyni zamanda mətn və audio formatında "Sputnik Azərbaycan" portalının multimedia bölməsində tanış olmaq olar.

Sputnik informasiya portalı Azərbaycanda 2015-ci ilin mayında sputnik.az və ru.sputnik.az saytlarında fəaliyyətə başlayıb.

Sputnik (sputniknews.com) onlarla ölkədə multimedia və informasiya mərkəzləri işləyən Beynəlxalq xəbər agentliyi və radiosudur. Beynəlxalq xəbər agentliyi müxtəlif saytları, analoq və rəqəmsal radioyayımı, mobil əlavələri və sosial şəbəkələrdə səhifələri özündə birləşdirir. Sputnik xəbər lentləri abunəçilər üçün gün boyu ingilis, ərəb, ispan və Çin dillərində çıxır.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.