Dövlət Dəniz və Liman Agentliyinin (DDLA) nümayəndəsi Beynəlxalq Dəniz Təşkilatının (BDT) London şəhərində keçirilən Naviqasiya, kommunikasiya və axtarış-xilasetmə üzrə Alt Komitəsinin (NCSR) 12-ci sessiyasında ölkəmizi təmsil edib.
Xeberler.az bildirir ki, Beynəlxalq tədbirdə Agentliyin Gəmi Hərəkətinin İdarəedilməsi Mərkəzinin direktoru Məzahir Niftiyev iştirak edib.
Sessiya çərçivəsində texniki və normativ məsələlər müzakirə edilib və müvafiq qərarlar, tövsiyələr hazırlanaraq təqdim olunub.
Beynəlxalq tədbirdə gəmi hərəkətinin təhlükəsizliyinin artırılması məqsədilə yeni sistemlərin tətbiqi, GPS və digər peyk sistemlərinin dəqiqliyinin artırılması, həmçinin kibertəhlükəsizlik və texniki xidmət qaydaları nəzərdən keçirilib, gəmi və sahil, gəmi ilə gəmi, eləcə də gəmi ilə peyk arasında məlumat mübadiləsini daha geniş, sürətli və təhlükəsiz şəkildə həyata keçirmək məsələləri müzakirə olunub.
Agentliyin Gəmi Hərəkətinin İdarəedilməsi Mərkəzinin direktoru Məzahir Niftiyev sessiyada iştirakın vacibliyini vurğulayaraq qeyd edib ki, tədbir dəniz təhlükəsizliyi və kommunikasiya sahəsində beynəlxalq tələblər və yeniliklər haqqında birbaşa məlumat əldə etməyə, həmçinin ölkəmizin bu sahədə mövcud təcrübə və ehtiyaclarının nəzərə alınması üçün beynəlxalq platformada məlumatların alınmasına şərait yaradır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları