Elektron bilet sifarişi xidmətinə maraq artır

06-08-2018 / 17:20

Azərbaycan Xəzər Dəniz Gəmiçiliyi QSC-nin elektron bilet sifarişi xidmətinə maraq artır.

Xeberler.az məlumat verir ki, bu ilin ilk altı ayında elektron qaydada 73 bilet alınıb, onlardan 10-u iki tərəfli olub. Gediş-gəlişin ən çox müşahidə olunduğu istiqamət Ələt-Aktaudur.

Xatırladaq ki, elektron bilet xidməti ölkəmizdən keçən beynəlxalq nəqliyyat marşrutlarına cəlbediciliyin yüksəldilməsi, müasir informasiya-kommunikasiya texnologiyalarından istifadə ilə yük və sərnişin daşımalarında sənədləşmənin sadələşdirilməsi və operativliyin artırılması məqsədilə tətbiq olunur. Xidmətdən istifadə üçün Azərbaycan Xəzər Dəniz Gəmiçiliyi QSC-nin internet saytında onlayn ödəniş üçün müvafiq xanalar doldurulmalıdır. Ro-Ro və bərə gəmiləri ilə müxtəlif tipli avtomobillərin və sərnişinlərin daşınması sifarişini bu internet ünvanına daxil olmaqla sifariş etmək mümkündür.

Qeyd edək ki, yükün növü, yüklənmə və gediş limanları, ödəyən şəxs və daşınan nəqliyyat vasitəsi barədə məlumatlar daxil edildikdən sonra biletin qiyməti avtomatik hesablanır. Bu sistem istifadəçi üçün vaxt itkisinin qarşısının alınması baxımından əlverişlidir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.