Dünən Bakıda "İKT və İqlim dəyişikliyi" mövzusunda beynəlxalq konfrans öz işinə başlayıb. Tədbirdə informasiya telekommunikasiya texnologiyalarının ətraf mühitə mənfi təsirləri və onların qarşısını almaq üçün görüləcək tədbirlər müzakirə olunub.
Hazırda İKT-lə iqlim dəyişikliyi arasında böyük əlaqənin olduğunu deyən rabitə və informasiya texnologiyaları naziri Əli Abbasov Azərbaycanın da bu sahəyə diqqət yetirdiyini bildirib. Onun sözlərinə görə, İKT-nin ətraf mühitə vurduğu ziyanı azaltmaq məqsədi ilə hazırda BMT yeni proqram üzərində işləyir: “Bu sənəd BMT və Beynəlxalq Telekommunikasiya İttifaqı tərəfindən hazırlanmış “Smart-2020” proqramıdır: Növbəti 10 il ərzində İKT sahəsinin ətraf mühitə vurduğu ziyanın hazırkı 2 faizdən 4 faizədək artacağı proqnozlaşdırılır. Proqramın da əsas hədəfi odur ki, İKT-nin tətbiqinin səmərəliliyini artıraraq ümumi ətraf mühitə buraxılan zəhərli qazları 15 faiz azaldaq. Yəni, əgər İKT sahəsi 2020-ci ildə ətraf mühitə 4 faiz ziyan vuracaqsa, onun müqabilində ümumi zərər İKT sahəsinin sayəsində 15 faiz azalacaq”.
Nazir onu da bildirib ki, sözügedən problemin aradan qaldırılması üçün 34 ölkədən ibarət assosiasiya yaradılıb və Azərbaycan bu ölkələr sırasındadır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları