Dövlət satınalmalarında iştirak edən sahibkarlar üçün İqtisadiyyat Nazirliyi yanında Dövlət Vergi Xidməti tərəfindən təqdim edilən arayışın əldə edilməsi prosesi sadələşdirilib.
Xeberler.az-ın Dövlət Xidmətinə istinadən verdiyi məlumata görə, artıq bunun üçün sahibkarlar vergi orqanlarına müraciət etməyəcəklər.
Məlumata görə, Dövlət Vergi Xidməti Antiinhisar və İstehlak Bazarına Nəzarət Dövlət Xidməti ilə birlikdə görülən işlərin nəticəsi olaraq, “Dövlət satınalmaları haqqında” Qanunda nəzərdə tutulan “vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin, habelə son bir il ərzində (fəaliyyətini dayandırdığı müddət nəzərə alınmadan) vergi ödəyicisinin Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması” barədə vergi orqanları tərəfindən sahibkarlara verilən arayış elektronlaşdırılıb.
Sahibkarlar tərəfindən müvafiq arayışın alınmasına dair müraciət bundan sonra yalnız “etender.gov.az” portalı vasitəsilə həyata keçiriləcək.Təqdim edilən arayışın Qanunun tələblərinə uyğunluğu portal vasitəsilə real vaxt rejimində yoxlanılacaq və istifadəçiyə dərhal məlumat veriləcək.
Qeyd edək ki, bu proses “etender.gov.az” portalında açıq tender və ya kotirovka sorğusu metodunu tətbiq etməklə elektron satınalma vasitəsilə keçirilən satınalmaları əhatə edir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri