RƏQƏMSAL DÜNYA

Azərbaycanda Facebook istifadəçilərinin sayı yüksək temlə artır. Facebaker.com saytının son məlumatlarına görə Azərbaycandan artıq 153 280 nəfər registrasiyadan keçib. Bu ilin ilk rübündə istifadəçilərin sayı 30 000 nəfər artıb. Bunun 62%-i kişilərdir.

Dünyada gündən-günə sosial mediadan istifadə edənlərin sayı artır, Facebook kimi Twitter istifadəçilərinin də sayı çoxalır. Sosial Mediadan istifadəyə tələbat ən çox repressiv, avtoritar rejimli ölkələrdədir. İran və Çin kimi insan hüquqlarının ən çox pozulduğu ölkələrdə insanlar kömək üçün Facebook və Twitter şəbəkələrinə  üz tuturlar.

Facebook saytının statisikası ilə məşğul olan Facebaker.com saytının məlumatlarına görə demokratiya olmayan ölkələrdəki qadağalara görə bu saytdan istifadə məhdudlaşır. Statistikaya görə hal-hazırda 117 mln nəfər ABŞ sakini Facebookdan istifadə edir. Ondan sonra isə Böyük Britaniya, İndoneziya və Türkiyə gəlir. Bu ölkələrdə istifadəçilərin ümumi sayı 20 mln nəfərdir.

Azərbaycan İnternet Forumunun rəhbəri Osman Gündüz deyir ki, Azərbaycanda Facebook istifadəçilərinin sayı bu statisikadan daha çoxdur. Facebaker.com saytına görə Azərbaycan 187 ölkə arasında 100-cü yeri tutur. Osman Gündüz bunu ölkədə İnternet tariflərinin qiymətlərinin yüksək olması ilə izah edir.

İstifadəçi sayına görə Gürcüstan 80-ci yeri, Ermənistan isə 128-ci yeri tutur.  Osman Gündüz ölkədə istifadə edilən İnternet texnologiyaları həm dünya həm də regiondakı ölkələrdən geri qalır və bunda Rabitə və İnformasiya texnologiyaları nazirliyini günahlandırır: “Son zamanlar bu sahədə inkişafın artmasına baxmayaraq, bəzi konkret adamlar İKT-dən istifadədə ciddi problemlərlə üzləşirlər, bunun da səbəbi həmin ərazini tənzimləyən hökümət strukturlarının köhnə mezanizmlərdən istifadə etməsidir. Yəni RİTN kimi qurumlar bəzi dünya ölkələrində-rusiya, Türkiyə və Belarusiya kimi ölkələrdə fəaliyyət göstərirlər. Digər dövlətlər isə artıq belə bir strukturdan  imtina ediblər.