AZNET

“Azərbaycanda internetə senzura tətbiq edilir”.

Xeberler.az bildirir ki, bunu Media üzrə eskpert Azər Həsrət öz Facebook səhifəsində bildirib.

Ekspert CityNet provayderinin xidmətlərində ciddi problemlə qarşılaşdığını deyib.

Belə ki, Azər Həsrət bildirir ki, CityNet internet provayderi artıq neçə gündür ki, rəsmən senzura tətbiq edir. Onun sözlərinə görə, bu provayder üzərindən AiləTV-nin xidmətlərini almaq olmur, bu fəaliyyət CityNet üzərinən qadağan edilib:

“Ulu öndər Heydər Əliyev ölkədə hər cür senzuranı hələ 1998-ci ilin 6 avqustunda ləğv etmişdi. Prezident İlham Əliyev də bütün fəaliyyəti boyu buna sadiq davranır. Yəni, dövlət başçısı heç bir senzuranın tətbiq olunmasına imkan vermir. Amma CityNet adında internet provayderi özbaşına artıq neçə gündür ki, rəsmən senzura tətbiq edir. Bu provayder üzərindən AiləTV-nin xidmətlərini almaq olmur. Yasaqlayıblar! Az öncə zəng etmişəm, deyirlər ki, bu, şirkətlər arası problemdən qaynaqlanır. İzah etdim ki, əgər mən sizdən internet alıramsa, o kanal üzərindən hansı xidmətləri seçmək kimsənin müdaxilə edə bilməyəcəyi hüququmdur. Əgər müdaxilə edilirsə, bunun adı senzuradır. Bu isə o deməkdir ki, referendum təşviqatı gedən günlərdə, üstəlik də Qurban bayramı günlərində belə təxribata yol vermək olmaz. Bunun adı sadəcə olaraq Prezidentin siyasətini sabotaj etməkdir”.

Xatırladaq ki, bir müddət əvvəl CityNet Nar tərəfindən satın alındı və Delta Telecom-un xidmətlərindən imtina etdi. Hazırda Nar-CityNet adı ilə fəlaiyyət göstərən provayder Azərtelecom-dan internet alır.

Bildiyimiz kimi, Azərbayacana interneti əsasən iki şirkət, Delta Telecom və Azərtelekom şirkətləri gətirir. Qonşu ölkələri də internetlə təmin edən Delta Telecom şirkəti ölkə internetinin 90%-ni təmin edir. 

Məlumat verdiyimiz kimi, bu satınalmadan sonra istifadəçilər tez-tez CityNet-in xidmətlərindən narazılıqlarını bildirir.

Xeberler.az