RƏQƏMSAL DÜNYA

Məlumat verdiyimiz kimi, bir müddətdir istifadəçilər CityNet provayderinin xidmətlərində ciddi problemlə qarşılaşdığını bildirir.

Qeyd edilir ki, Azərbaycanda internetə senzura tətbiq edilir.

Əksər istifadəçilərin sözlərinə görə, provayder üzərindən AiləTV-nin IP TV xidmətlərini almaq olmur, bu fəaliyyət CityNet üzərinən qadağan edilib.

Xeberler.az olaraq bir müddət öncə problemin səbəbi ilə maraqlanmışdıq.

CityNet proyavderi məsələ ilə bağlı bildirmişdi ki,  bir müddət CityNet-də profilaktik işlər həyata keçirilib. Bu səbədən də istifadəçilər problemlə qarşılaşıb.

Şirkət qeyd etmişdi ki, hazırda provayder üzərindən Ailə TV-nin xidmətlərini əldə etməklə bağlı heç bir problem yoxdur.

Lakin son günlər məsələ yenidən gündəmə gəlib.

Proyavderin istifadəçiləri Xeberler.az-a bildirir ki, şirkət bu problem aradan qaldırmayıb və onlar hələ də şirkətin xidmətlərində ciddi problemlə qarşılaşırlar.

Qeyd edək ki, əvvəllər belə bir problem bəzi proveyderlərdə də yaşanmışdı.

Belə ki, UniNet, SuperOnline, Smart və CityNet provayderləri Ailə TV-nin yeni xidmətini qeyri-qanuni olaraq bloklamışdı.

Xeberler.az-ın məlumatına görə, son günlər qeyri-qanuni bloklamadan şikayət edən istifadəçilərin sayı hədsiz çoxalıb.

Ekspertlər də vurğulayır ki, Telekommunikasiya haqqında qanununun 19.2 bəndində göstərilib ki, qanunvercilikdə nəzərdə tutulan hallar istisna olmaqla heç bir halda belə məhdudiyyətlər tətbiq oluna bilməz.

Əldə etdiyimiz məlumata görə, son günlərdə yaşanan problemləri nəzərə alaraq gələn həftə bu  sahə ilə bağlı aidiyyatı qurumların bir araya gəlib, məsələ ilə bağlı geniş toplantısı nəzərdə tutulur.

Xatırladaq ki, bir müddət əvvəl CityNet Nar tərəfindən satın alındı və Delta Telecom-un xidmətlərindən imtina etdi. Hazırda Nar-CityNet adı ilə fəlaiyyət göstərən provayder Azərtelecom-dan internet alır.

Bildiyimiz kimi, Azərbayacana interneti əsasən iki şirkət, Delta Telecom və Azərtelekom şirkətləri gətirir. CityNet DeltaTelekom -dan imtina edənədək DeltaTelekom şirkəti ölkədə internet təchizatının 90%-ni həyata keçirirdi.

Məltəm Talıbzadə