AZNET

Bir müddət əvvəl məlumat verdiyimiz kimi, media üzrə eskpert Azər Həsrət öz Facebook səhifəsində CityNet provayderinin xidmətlərində ciddi problemlə qarşılaşdığını bildirmişdi.

Azər Həsrət qeyd etmişdi ki, Azərbaycanda internetə senzura tətbiq edilir. Onun sözlərinə görə, provayder üzərindən AiləTV-nin IP TV xidmətlərini almaq olmur, bu fəaliyyət CityNet üzərinən qadağan edilib.

CityNet proyavderi məsələyə aydınlıq gətirib.

Provayderdən əldə etdiyimiz məlumata görə, bir müddət CityNet-də profilaktik işlər həyata keçirilib. Qeyd edilib ki, eskpertin problemlə üzləşdiyi vaxt Ailə TV-nin istifadəçilərinin provayder üzərindən yüklənmə vəziyyəti yoxlanılırmış. CityNet bildirir ki, hazırda provayder üzərindən Ailə TV-nin xidmətlərini əldə etməklə bağlı heç bir problem yoxdur.

Məlumatda o da bildirilib ki, bu məsələdə birdəfəlik anlaşma əldə etmək üçün Ailə TV ilə məsələni müzakirə edilərək razılaşma əldə olunmalıdır. Çünki Ailə TV-nin xidmətlərini əldə etmək üçün CityNet-in infrastrukturundan, kanalından istifadə edilir.

Bununla belə, ekspertlər bildirir ki, istənilən halda internet üzərindən hansısa xidmətlərin əldə olunmasına blok qoyulması yolverilməzdir və qanunvericiliyin tələblərinin pozulmasıdır. Ümid edirik ki, hər iki tərəf bu məsələdə razılşa biləcək.

Qeyd edək ki, əvvəllər belə bir problem bəzi proveyderlərdə də yaşanmışdı.

Belə ki, UniNet, SuperOnline, Smart və CityNet provayderləri Ailə TV-nin yeni xidmətini qeyri-qanuni olaraq bloklamışdı.

Ekspertlər vurğulayır ki, Telekommunikasiya haqqında qanununun 19.2 bəndində göstərilib ki, qanunvercilikdə nəzərdə tutulan hallar istisna olmaqla heç bir halda belə məhdudiyyətlər tətbiq oluna bilməz.

Bir müddət əvvəl CityNet Nar tərəfindən satın alındı və Delta Telecom-un xidmətlərindən imtina etdi. Hazırda Nar-CityNet adı ilə fəlaiyyət göstərən provayder Azərtelecom-dan internet alır.

Bildiyimiz kimi, Azərbayacana interneti əsasən iki şirkət, Delta Telecom və Azərtelekom şirkətləri gətirir. CityNet DeltaTelekom -dan imtina edənədək DeltaTelekom şirkəti ölkədə internet təchizatının 90%-ni həyata keçirirdi.

Məltəm Talıbzadə