MOBİL RABİTƏ

Məlumat verdiyimiz kimi, Azercell şirkəti bir müddətdir ki, Wi-Fi  vasitəsilə səsli xidmət servisi üzərində işləyir.

Şirkətin prezidenti Vahid Mürsəliyev bildirmişdi ki, yeni texnologiya ölkədə  2016-ci ildə istifadəyə veriləcək.

Belə ki, yeni  Wi-Fi (Voice over Wi-Fi) vasitəsilə abonentlər zəngləri Wi-Fi şəbəkəsinə qoşulmaqla həyata keçirə biləcək.

Xeberler.az olaraq bu istiqamətdə görülən işlərlə maraqlandıq.

Azercell-dən rəsmi soğrumuza cavab olaraq bildrilib ki, hazırda bu istiqamətdə işlər davam edir.

Qeyd edilib ki,  LTE üzərindən səs xidmətlərinin təqdim edilməsi layihəsi planlama mərhələsindədir.

Şirkətin məlumatına görə, layihə ilkin mərhələdədir. Bu mərhələ tamamlandıqdan sonra yeni  texnologiya bir neçə ay sınaq versiyada istifadəyə təqdim ediləcək.  Yəni, məhdud sayda istifadəçiyə təqdim ediləcək. Daha sonra isə kommersiya istifadəsinə veriləcək.

Nəzərə alsaq ki,layihənin başa gəlməsi üçün işlərə bəzən bir neçə il əvvəl başlayırlar. Daha sonra layihə üzərində texniki və digər işlər olur. Bu işlərə görə bəzən layihənin hazır olması uzana da bilir Ona görə Azercell-in də yeni texnologiyasının bu il təqdim edilməsi real görünmür.

Şirkət də məlumatında qeyd edib ki, növbəti mərhələ haqda ictimaiyyətə ətraflı məlumat veriləcək.

Beləliklə, çox güman ki, yeni texnologiya 2017-ci ildə hazır olacaq.

Məltəm Talıbzadə