E - HÖKUMƏT

Bir müdddət əvvəl məlumat verdiyimiz kimi, təcili tibbi yardım stansiyasına zəng edən şəxsin həmin an yerləşdiyi məkanın dəqiq təyin edilməsi məqsədi ilə yeni sisteminin yaradılmasına başlanıb.

Təcili və Təxirəsalınmaz Tibbi Yardım Stansiyası tərəfindən yaradılan sistemin köməyi ilə ünvanın dəqiqləşdirilməsinə sərf olunan vaxta qənaət olunacaq və yalançı çağırışların qarşısı alınacaq.

Xeberler.az olaraq hazırda bu istiqamətdə görülən işlərlə maraqlandıq.

Nazirlikdən verilən məlumata görə, yeni sitemin yaradılması ilə bağlı mütxəlif proqramlar hazırlanır. Qeyd edilib ki, bu, böyük işdir və hazırlanması bir müddət davam edəcək.

Məlumat verdiyimiz kimi, yeni naviqasiya sisteminin yaradılması da nəzərdə tutulurdu.

Bildirilmişdi ki,  bu məqsədlə Bakı Telefon Rabitəsi İstehsalat Birliyinə müraciət olunub.

Səhiyyə Nazirliyindən  məsələ ilə bağlı verilən məlumata görə,  hazırda Bakı Telefon Rabitəsi İstehsalat Birliyi ilə danışıqlar davam edir və  layihə bağlı sənədlər hazırlanaraq quruma təqdim edilib.

Məlumata görə, BTRİB  Bakı şəhər Təcili və Təxirəsalınmaz Tibbi Yardım Stansiyasına  gələn müraciətlərin haradan daxil olduğunu müəyyənləşdirməyə yardım edəcək.

Nazirlik bildirir, hazırda bu istiqamətdə işlər davam edir.  Bu mərhələ yekunlaşdıqdan sonra layihə pilot formada istifadəyə təqdim ediləcək.

Məltəm Talıbzadə