“Azərpoçt” korporativ informasiya şəbəkəsinin tətbiqini başa çatdıracaq

31-03-2009 / 20:02

Rabitə və İnformasiya Texnologiyaları Nazirliyindən bildiriblər ki, “Maliyyə xidmətlərinin inkişafı” layihəsi çərçivəsində “Azərpoçt” Dövlət Müəssisəsi tərəfindən korporativ informasiya şəbəkəsinin tətbiqi bu ilin sonunda başa çatacaq.

Sistem müxtəlif modullardan ibarətdir və artıq birinci modul (avtomatik mühasibat uçotunun hazırlanması) çərçivəsində Bakının 100-dən çox poçt şöbəsi sistemə qoşulub.

İkinci modul (pul köçürmələri) üzrə işlər artıq başa çatdırılmışdır. Hazırda poçt xidmətləri üzrə üçüncü modulun tətbiqinə başlanılıb.

Sistemin tətbiqindən sonra “Azərpoçt” DM paytaxtda və regionlarda bank maliyyə xidmətləri göstərəcək.

Azərbaycan hökuməti ilə Dünya Bankının birgə həyata keçirdiyi “Maliyyə xidmətlərinin inkişafı” layihəsinin qiyməti 17,5 milyon dollardır. Dünya Bankı bu layihə üçün 12,25 milyon dollarlıq kredit ayırıb. Qalan hissə isə Azərbaycan hökumətinin payına düşür.

Layihənin məqsədi maliyyə xidmətlərinin həyata keçirilməsi üçün poçt şəbəkəsinin təkmilləşdirilməsidir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.