Regionlarda maliyyə və bank xidmətləri inkişaf etdirilir

16-12-2008 / 15:34

Rabitə və İnformasiya Texnologiyaları Nazirliyindən AzərTAc-a bildirmişlər ki, Azərbaycan hökuməti ilə Dünya Bankının (DB) birgə həyata keçirdikləri “Maliyyə xidmətlərinin inkişafı” layihəsi çərçivəsində regionlarda ənənəvi poçt xidmətləri ilə yanaşı, maliyyə və bank xidmətlərinin inkişaf etdirilməsi üzrə işlər görülür.

İndiyədək beynəlxalq bağlamaların, beynəlxalq korrespondensiyaların izlənməsi sistemi yaradılmış, Dünya Poçt İttifaqının STEFİ elektron pul köçürülməsi sisteminə qoşulması təmin olunmuş, 7 ölkə ilə mübadilə təşkil edilmişdir.

Əhalinin, xüsusilə ucqar ərazilərdə yaşayanların istifadə edə biləcəyi universal telekommunikasiya və poçt rabitəsi xidmətlərinin təşkili üçün tədbirlər görülmüşdür.

Layihənin ümumi dəyəri 17,5 milyon ABŞ dollarına bərabərdir. Bunun 12,5 milyon dollarını DB Azərbaycana kredit şəklində ayırmışdır. Qalan 5 milyon dollar isə Azərbaycan hökumətinın payına düşür.
 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.