"İki gündür ki, Baktelecom Azeurotel dövlət provayderində yaranmış problemin aradan qaldırılması ilə bağlı açıqlamalar verir. Azeurotel provayderi Baktelecom idarəçiliyi altındadır. Bu gün də problemin ,70% həll olunması ilə bağlı açıqlama verib".
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
Ekspertin sözlərinə görə, yüzlərlə istifadəçinin indiyədək internet bağlantısı yoxdur. Bu, yolverilməzdir:
"Adətən bu tip problemlər çox qısa zamanda, ən uzağı 1-2 saata həll olunurdu.
Görəsən nə baş verib? Problemin avadanlıqlarda olduğu bildirilir. Bu avadanlıqlar hansı şirkətə məxsusdur. Nə üçün problemin həlli uzanır. Şirkətin alternativləri yoxmu, avadanlıqlara cavabdeh qurum nə üçün problemi həll edə bilmir.
Avadanlıqlar nə zaman alınıb, zəruri testlərdən, auditdən keçirilibmi?
Ümumiyyıtlə, Aztelekom və Baktelecom-da zaman-zaman bir çox şirkətlərin, Huawei, Nokia, İskratel və s. qurumların avadanlıqlar quraşdırması haqqında məlumatlar verilib.
Yaxşı olardı ki NRYTN yeni rəhbərliyi bütün dövlət operatorların İT auditini aparsın. Adi bir provayderdə, indiki zamanda 2-3 gün ərzində internetin olmaması sadəcə biabırçılıqdır.
Fikrimcə NRYTN adı çəkilən provayderdə baş verənlərlə bağlı ciddi araşdırma aparmalı və təqsirkarlar cəzalandırılmalıdır. Bu tip hadisələrin təkrarlanmaması üçün tədbirlər görülməlidir".
