Azexport.az 469,9 milyon ABŞ dolları dəyərində ixrac sifarişi alıb

16-01-2023 / 14:44

İqtisadi İslahatların Təhlili və Kommunikasiya Mərkəzinin (İİTKM) 2022-ci ildəki fəaliyyətinin yekunlarına dair mətbuat konfransı keçirilib.

Xeberler.az-ın məlumatına görə, mətbuat konfransında İİTKM-in icraçı direktoru Vüsal Qasımlı bildirib ki,biznes mühiti və beynəlxalq reytinqlərin yaxşılaşdırılması istiqamətində İİTKM yaxından iştirak edir.

Təkcə 2022-ci ildə İİTKM-in operatoru olduğu Azranking.az platformasında Biznes Mühiti və Beynəlxalq Reytinqlər üzrə Komissiyanın 23 işçi qrupunun 77 görüşü keçirilib. İşçi qruplar Dünya Bankı Qrupunun “Əlverişli Biznes Mühiti” layihəsinin indikatorları üzrə təkmilləşdirmənin həyata keçirilməsi üçün 15 yol xəritəsi qəbul edib.

Azranking.az platformasının fəaliyyəti ictimai iştirakçılıq, açıq hökumət və yaxşı idarəetmə prinsiplərinə əsaslanır.

İcraçı direktorun sözlərinə görə İİTKM-in nəzdində fəaliyyət göstərən www.azexport.az, www.enterprıseazerbaıjan.com portalları, Rəqəmsal Ticarət Qovşağı, “BİR PƏNCƏRƏ” İxraca Dəstək Mərkəzi ölkəmizdə sahibkarların ixrac prosesləri haqqında maarifləndirilməsi, ixrac obyekti olan müxtəlif əmtəələrə dair sertifikatların verilməsi, startapların dəstəklənməsi və s. kimi işləri həyata keçirir.

Belə ki, 2022-ci ildə Azexport.az portalına 469,9 milyon ABŞ dolları dəyərində ixrac sifarişləri daxil olub. www.enterprıseazerbaıjan.com portalında mövcud layihə sayı 144-dür. Ötən il Portalın yeni İnkubasiya və Akselerasiya Akvariumu, eləcə də “Startup School”u yaradılıb.

“Bir Pəncərə” İxraca Dəstək Mərkəzi 2022-ci ildə ümumilikdə 269,7 milyon ABŞ dolları məbləğində ixrac həyata keçirib. Ötən il ərzində “Bir Pəncərə” İDM-nin ixrac həyata keçirdiyi 5 ölkə İsveçrə, Rusiya, Gürcüstan, Türkiyə və Qazaxıstandır.

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə