MOBİL RABİTƏ

Bakcell iPhone istifadəçiləri üçün pulsuz İnstagram xidmətini istifadəyə verdiyini elan edir.

Şirkətdən Xeberler.az-a verilən məlumata görə, bir müddət öncə Bakcell Novruz hədiyyəsi kimi Pulsuz Facebook və Klass tarifində olan abunəçilər üçün pulsuz Whatsapp kimi müxtəlif innovativ data təkliflərini təqdim edib.

İndi iPhone mobil telefonlarına sahib olan bütün Bakcell abunəçiləri xüsusi sərfəli iPhone paketləri daxilində İnstagram xidmətindən pulsuz istifadə etmək imkanı qazanacaqlar. Yeni iPhone paketləri əsas internet paketindən və abunəçilərin öz iPhone mobil telefonlarında istifadə edə biləcəyi xüsusi bonusdan – İnstagram-dan istifadə etmək üçün əsas internet paketinin həcminə bərabər olan həcmdə pulsuz trafikdən ibarətdir.

“Bakcell şəbəkəsində iPhone istifadəçilərinin sayı çoxdur  və onların əksəriyyəti fəal İnstagram istifadəçiləridir. Bakcell-in “Daha yaxın olaq” fəlsəfəsinə uyğun olaraq, biz çalışırıq ki, abunəçilərimiz yaşadıqları xoş anları öz yaxınları, dostları və ailələri ilə daha çox paylaşmaq imkanına malik olsunlar. Biz inanırıq ki, indi hər bir iPhone istifadəçisi təqdim edilən bu internet paketlərindən özünə ən çox uyğun olanını seçə biləcək. Aylıq istifadə həcmindən asılı olaraq siz təkliflərdən birini seçə və ona uyğun internet paketində İnstagram-dan pulsuz faydalana bilərsiniz”, - deyə Bakcell şirkətinin baş marketinq və satış direktoru Fedja Hadziç bildirib. 

Ətraflı məlumat Bakcell-in səhifəsindən əldə edə bilərsiniz. 

Xeberler.az