"Bakcell mobil internetin sürətinə görə ölkədə liderdir" - Netindex

10-03-2015 / 19:38

Ookla şirkətinin Netindex reytinqinə əsasən, Bakcell şirkəti mobil operatorlar arasında mobil data trafikinin sürətinə görə rəqiblərini xeyli qabaqlayıb

Belə ki bu qurumun məlumatına görə mobil internetin sürəti o biri mobil operatorlarla müqayisədə daha yüksək göstəriciləri ilə 1-ci yerdə (13.2 Mbps), ölkənin əsas internet provayderləri (şəhərlərarası və sabit şəbəkə operatorları daxil olmaqla) arasında isə internet trafikin sürətinə görə 3-cü yerdədir (10.41 Mbps sürətlə).

Bu reytinq Azərbaycanda İnternet provayderləri və mobil operatorların abunəçilər tərəfindən ən azı 100 dəfə speedtest.net və ya pingtest.net vasitəsilə ölçülmüş statistik indikatorlarının nəticələri əsasında formalaşmışdır.

2011-ci ildə 3G Sü[email protected] xidmətinin istifadəsinə start verildikdən sonra Bakcell şirkəti müxtəlif müstəqil şirkətlər tərəfindən, o cümlədən, Ookla şirkətinin Netindex reytinqinə əsasən həyata keçirilən testlərin nəticələrinə görə ölkədə ən sürətli Mobil İnternet təcrübəsini təmin etməyə başladı.

Mobil internetin keyfiyyəti ilə bağlı məsələyə münasibət bildirən Bakcell şirkətinin Baş Texniki Direktoru cənab Yigit Berktaş aşağıdakıları deyib:

“Hal-hazırda 2000-dən çox abunəçi Bakcell şirkətinin 4G LTE xidmətini test etmək və Azərbaycanda ən sürətli mobil internetdən istifadə etmək imkanına malikdir. Bakcell şirkətinin təmin etdiyi Mobil İnternet xidmətinin son yüksək nəticələri göstərir ki, Şirkət müştərilərə ən keyfiyyətli mobil data təcrübəsinin təmin edilməsində öz mövqelərini gücləndirməkdədir. Biz hər il şəbəkəmizə investisiya edir, onu təkmilləşdirir və ölkənin aparıcı mobil internet provayderi olmaqda davam etməyə çalışırıq”

Ookla şirkəti dünya üzrə genişzolaqlı sınaqlar və internet əsasında qurulmuş diaqnostika proqramları sahəsində liderdir. Şirkətin proqram təminatı və metodologiyası genişzolaqlı şəbəkə xidmətləri sənayesi üzrə statistik məlumatların dəqiqliyi, tanınması, istifadə asanlığı və sonrakı inkişafının etalonudur. Xidmətin yarandığı vaxtdan 2015-ci ilə qədər Ookla şirkəti tərəfindən yeddi milyarddan artıq sürət testi həyata keçirilmişdir. 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.