Bakı rabitə operatoru telefon danışıqları üçün vaxt hesabı ilə ödəmə sisteminin tətbiqinə hazırdır

26-01-2011 / 21:16

"Bakı Telefon Rabitəsi" İstehsalat Birliyinin (İB) telekommunikasiya infrastrukturu telefon danışıqları üçün vaxt hesabı ilə ödəmə sisteminin tətbiqinə hazırdır. Bu barədə bazar ertəsi Trend-ə İB-nin baş direktor müavini Xankişi Kişiyev deyib.

Onun sözlərinə görə, bu gün telefon şəbəkəsində ümumi istifadədə tətbiq olunan bilinq sistemi telefon danışıqları üçün vaxt hesabı ilə ödəmə sistemi kimi uyğunlaşdırıla bilər. Bu, bu gün artıq hüdudlu və hüdudsuz tarif paketlərinin təcrübədən keçirildiyi CDMA simsiz rabitə standartları şəbəkəsində tətbiq olunan sistemlə oxşardır.

"CDMA xidmətlərinin hüdudlu tarif paketində iki manat həcmində aylıq abunə haqqı nəzərdə tutulub və bu paketə 400 dəqiqəlik danışıq daxildir, limitdən artıq hər əlavə dəqiqə üçün isə 0,01 manat ödənilir. Bu gün İB Tariflər Şurasına rabitə xidmətində tariflərin dəyişdirilməsi təklifi ilə müraciət edib. Son qərar Tariflər Şurasının ixtiyarındadır. Qərar qəbul edildikən sonra bu məsələ üzrə nəticələr elan ediləcək", - Kişiyev deyib.

Ötən həftə Azərbaycan rabitə və informasiya texnologiyaları naziri Əli Abbasovun dediyi kimi, respublikada aylıq abunə haqlarından imtina etmək istəyən abunəçilər üçün vaxt hesabı ilə ödəniş tətbiq oluna bilər. Onun sözlərinə görə, abunəçi ay ərzində iki manat abunə haqqı məbləğində danışmırsa, vaxt hesablı ödənişə keçə bilər.

Bundan əvvəl Azərbaycan rabitə və informasiya texnologiyaları nazirinin müavini İltimas Məmmədovun bildirdiyinə görə, baxılmaq üçün Tariflər Şurasına təqdim olunan təkliflər rabitə operatorları ilə müzakirə olunub. Dəyişikliklər həm beynəlxalq və şəhərlərarası rabitə xidmətləri, həm də abunəçiyə telefon xətlərinin çəkilməsinin dəyərinə və stasionar telefonların istifadəsinə görə aylıq abunə haqlarına da aid olacaq.

Nazir müavininin sözlərinə görə, bir tərəfdən bu və ya digər xidmət növlərinə tariflər artırsa, bu, digər tərəfdən xidmətin digər növləri, məsələn, beynəlxalq danışıqlar tarifinin aşağı salınması ilə əvəz olunur.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.