Tailand Krallığının paytaxtı Banqkok şəhərində Azərbaycanın sədrliyi ilə BMT-nin Asiya və Sakit Okean üzrə İqtisadi və Sosial Komissiyasının (UNESCAP) 82-ci sessiyası keçirilib. Tədbirdə Azərbaycan geniş nümayəndə heyəti ilə təmsil olunub.
Xeberler.az bildirir ki, sessiyada Rəqəmsal İnkişaf və Nəqliyyat Nazirliyinin sektor müdiri Eltac Abbasov “Asiya və Sakit Okean regionunda inklüziv nəqliyyat və əlçatanlıq: əldə olunan təcrübə və gələcək istiqamətlər” mövzusunda çıxış edib.
O, şəhər nəqliyyatında əlaqəliliyin gücləndirilməsi, əlçatanlığın artırılması, rəqəmsallaşma və nəqliyyat planlaşdırılmasında məlumat əsaslı yanaşmaların tətbiqi istiqamətində həyata keçirilən tədbirlər barədə məlumat verib. İnteqrasiya olunmuş mobillik həllərinin inkişafı, xidmət keyfiyyətinin yüksəldilməsi və qərar qəbuletmədə rəqəmsal alətlərin rolu xüsusi vurğulanıb.
Bildirilib ki, Azərbaycanın 2025–2026-cı illər üzrə Beynəlxalq Nəqliyyat Forumuna sədrliyi çərçivəsində qəbul edilən əsas nəqliyyat siyasəti tövsiyələrindən biri şəhər mobilliyi və inklüziv nəqliyyatın təşviqinə həsr olunub. Bu prioritetlərin UNESCAP gündəliyi ilə tam uyğunluq təşkil etdiyi diqqətə çatdırılıb.
Sessiyada inklüziv və dayanıqlı nəqliyyat sistemlərinin təşviqi istiqamətində regional tərəfdaşlarla əməkdaşlığın daha da gücləndirilməsinin vacibliyi vurğulanıb.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları