BBC onlayn musiqi xidməti yaradacaq
08-09-2008
18:48
Məlumat yayan ВBC korporasiyası xüsusi onlayn musiqi xidməti yaratmaq niyyətindədir. Burada istifadəçilərin televiziya və radio verilişlərinin, sənədli filmlərin tərtibatı üçün musiqilər yükləmək imkanı olacaq. Xidmətin hazırlanması ilə BBC Worldwide bölməsi məşğul olur.
BBC-nin dediyinə görə, şirkətin studiyalarında artıq internetdə yerləşdirilmək üçün arxiv yaradılıb. Arxivin böyük hissəsini müasir musiqi trekləri, akustika və launj treklər təşkil edir. Xidmətdə BBC-yə daxil olan rekord-leybl Glastonbury audiokontenti də yerləşdirilib. Melomanlar üçün daha maraqlısı indiyədək yayımlanmayan və satılmayan tanınmış musiqiçilərin arxiv studiya yazıları olacaq. Deyilənə görə, “The Beatles” qrupu 1994-cü ildə dağıldıqdan sonra qrupun itmiş kolleksiyalarının da üzə çıxacağı gözlənilir. Onlayn xidmətinin tanınması üçün BBC, EMİ şirkəti ilə müqavilə bağlamağa hazırlaşır.
Xidmətin iş prinsipi məlum deyil, lakin şirkət mənbələrinin sözlərinə görə, musiqilərin əksər hissəsi pulsuz yayımlanacaq və reklam hesabına maliyyələşəcək. Ilk versiyaların 2009-cu ilin yanvarında meydana çıxacağı gözlənilir.
