RƏQƏMSAL DÜNYA

Associated Press-in məlumatına görə, Massaçuets ştatının baş prokuroru Mart Koukli və Apple şirkəti iTunes onlayn xidmətindən korların istifadə etməsi üçün xüsusi proqram təminatı hazırlamaq haqda razılığa gəliblər.
Görmə qabiliyyəti pozulmuş yeniyetmələr onlayn musiqi xidmətindən istifadə edərkən köməksiz ötüşə bilmirlər. Çünki əksər resusrlar xüsusi proqram təminatı ilə işləməyi nəzərə almayıb.
ABŞ Milli korlar federasiyasının təmsilçisi Toni Olivero Uotertaun şəhərindəki Perkins korlar məktəbində təşkil olunmuş mətbuat konfransında görmə qabiliyyətini itirənlər üçün yeni proqramı təqdim etdi.
Olivero səs siqnallarının köməyi ilə iTunes saytının ona lazım olan bölmələrinə daxil olur və müxtəlif əməliyyatları yerinə yetirirdi.
Müqavilənin şərtlərinə görə, Apple gələn ilin iyun ayına qədər iTunes-i müxtəlif sistemlərin istifadəçiləri üçün əlverişli etməlidir. Bütün kateqoriyalardan olan istifadəçilər üçün onlayn mağazalara giriş imkanlarının eyni olması vacibdir. Onlayna daxil olma o qədər geniş olmalıdır ki, ondan əlil arabasında olanlar da istifadə edə bilsin.
iTunes yenilənməsi Mocintosh sisteminin istifadəçiləri üçündür, lakin kompüter istifadəçiləri təqdim edilən bahalı proqramı almalıdırlar. Massaçuets korlar cəmiyyətinin təmsilçilərinin bəyanatına görə, ştat ərazisində yaşayanlar üçün proqram pulsuz paylanacaq, digər ştatlarda isə onu güzəştlə əldə etmək olar.