2012-ci il Yay Olimpiya Oyunları ərəfəsində Londonda simsiz internetə sərbəst çıxışlı böyük zona yaradılacaq. Wi-fi xidmətlərini mobil rabitə operatoru O2 şirkəti Britaniya paytaxtının mərkəzi rayonlarında – Vestministr, Kensinqton və Çelsidə təqdim edəcək.
Pulsuz wi-fi-ın təmini üçün avadanlıq küçələrin işıq dirəklərində cari ilin martınadək quraşdırılacaq.
Ekspertlər hesab edirlər ki, yeni servis çox populyar olacaq, xüsusilə ona görə ki, xarici turistlər bəzən mobil rabitənin baha olmasından narahat olurlar, lakin bununla yanaşı əlavə edirlər ki, olimpiada zamanı onun fasiləsiz işini təmin etmək lazımdır, BBC yazır.
Layihənin digər müsbət məqamı ondan ibarətdir ki, pulsuz çıxışın təşkili hakimiyyət orqanları və vergiödəyiciləri tərəfindən xərc tələb etmir. Öz növbəsində O2 operator layihəni kommersiyalı hesab etmir və ilk növbədə öz imicini möhkəmləndirməyə çalışır. Bununla belə, bəzi çəkilən xərclər reklamla kompensasiya ediləcək.
Qeyd edək ki, olimpiadadan sonra pulsuz internet şəbəkəsinin Londonun mərkəzi rayonlarında qorunub saxlanılacağı gözlənilir.
