E-TİCARƏT

Elektron ticarət dünyanın bir çox aparıcı ölkələrində alıcılar üçün effektiv və rahat olduğunu sübut etmişdir. Son illərdə bu sahənin sürətli inkişafı Azərbaycanda da müşahidə olunur. Elektron pərakəndə ticarət dövriyyəsi ölkəmizdə son bir il ərzində 2,4 dəfə artaraq 6,4 milyon manta təşkil etmişdir.

Yerli elektron ticarət bazarında bir neçə populyar veb platformalar fəaliyyət göstərir. Bu yaxınlarda bu platformalardan biri olan Besmart.az elektron satışların inkişafı istiqamətində növbəti addım ataraq, internet vasitəsilə pərakəndə satış sahəsində geniş təcrübəsi olan dünya brendi Procter & Gamble ilə əməkdaşlıq müqaviləsi bağlamışdır. İndi mağazaya getmədən bu şirkətin məhsullarını sərfəli şərtlərlə almaq istəyən alıcılar tez-tez istifadə olunan məhsulları (Pampers, Fairy, Ariel, Gillette, Pantene və s) http://besmart.az/webshop/category/pg/  saytından ala bilərlər.

İnternet vasitəsilə pərakəndə satış Azərbaycana bu yaxınlarda gəlmişdir, lakin dünyada mövcud olan tendensiya sübut edir ki, bu sahə ən azı yaxın 5 ildə inkişaf edəcək. Euromonitor International şirkətinin araşdırmasına əsasən, makroiqtisadi dəyişikliklərə baxmayaraq dünya üzrə pərakəndə elektron satışlar son illər ərzində stabil artım nümayiş etdirmişdir. Elektron satış sahəsində alıcıların vərdişlərinin dəyişdirilməsi və maddi-texniki təminat ilə bağlı çətinliklər var. Buna baxmayaraq, Procter & Gamble şirkətinin internet vasitəsilə pərakəndə satış sahəsinə göstərdiyi dəstək Azərbaycanda iqtisadiyyatın bu sahəsinin effektiv inkişaf edəcəyinə ümidləri artırır.