TƏDBİRLƏR

Məlumat verdiyimiz kimi, bu gün Bakıda keçiriləcək beynəlxalq informasiya-texnologiyaları sərgi-konfransı – BakuTel-2016-nın keçiriləcəyi tarix və poqram açıqlanıb.

Qeyd edilib ki, sərginin açılış mərasimi  29 noyabr tarixində Bakı Ekspo Mərkəzində reallaşacaq, sərgi öz işini dekabr ayının 2-dək davam etdirəcək.

Məlumata görə, artıq Rabitə və Yüksək Texnologiyalar Nazirliyi tərəfindən sərgi-konfransın Tədbirlər Planı təsdiq olunub.

Xebeler.az-ın əldə etdiyi məlumata görə, bu il Azərbaycan startapları üçün sərgidə geniş yer ayrılacaq.

Qeyd edilib ki, startapçılar öz layihələrini iştirakçılara təqdim edə biləcək.

Ötən il həmçinin qeyd edilmişdi ki, BakuTel-in mobil tətbiqləri də hazırlanır və bu il istifadəyə veriləcək.

Hələlik bu barədə məlumat verilməyib. Ümid edirik ki, BakuTel-in hər iki əməliyyat sistemi üçün  iOS və Android) mobil əlavəsi istifadəyə veriləcək.

Məlumata  görə, sərgi çərçivəsində “Gözdən əlil uşaqlar üçün səsli kitabxana”, “Muzeylərin rəqəmsamlaşdırlması” layihələrinin təqdimatı baş tutacaq.

Eyni zamanda, sərgi çoxsaylı konfrans və forumlarla müşayət olunacaq. 

Sərgi-konfransın iş günləri ərzində “Azərbaycan Respublikasının Rabitə və Yüksək Texnologiyalar Nazirliyi ilə Rusiya Federasiyasının Rabitə və Kütləvi Kommunikasiyalar Nazirliyi arasında rabitə və informasiya texnologiyaları sahəsində əməkdaşlığa dair Saziş”, “Azərbaycan Respublikasının Rabitə və Yüksək Texnologiyalar Nazirliyi ilə Sinqapurun Rabitə və İnformasiya Nazirliyi arasında e-hökumət sahəsində əməkdaşlığa dair Anlaşma Memorandumu”nun  imzalanması nəzərdə tutulub.

Məltəm Talıbzadə