İNNOVASİYA VƏ STARTAP

Xeberler.az bildirir ki, Buglance "Startup Business of the Year" kateqoriyası üzrə Gulf Capital SWE Awards 2019 mükafatının finalına qalan startaplar arasında yer alıb. Bu barədə Toğrul Səməd məlumat verib. Əlavə olaraq şirkətin rəhbəri Toğrul Səməd ilin sahibkarı kateqoriyasında da finala qalmağı bacarıb. 7-ci dəfə keçirilən bu mükafatlandırmada 300-dən çox sahibkar iştirak edir. Əlavə olaraq 16 kateqoriya üzrə 86 şirkət qısa listlərə qalmağı bacarıb və bunlardan biri də yerli startap Buglance-dır. Yekun mərhələdə, 86 şirkət hökumət təşkilatları, böyük regional və qlobal bizneslərin təmsilçilərindən ibarət 30 jüri üzvü tərəfindən dəyərləndiriləcək.

Əlavə olaraq mükafatın təminolunma şəffaflığı qlobal məsləhətçi firma Grant Thortontərəfindən yoxlanılır. Mükafat 2012-ci ildən bu yana MEED və investisiya dəstəkçisi Gulf Capital ilə birgə təşkil edilir və regionun iş adamlarını, sahibkarlarını bir araya toplayır. "Bölgənin ən güvənilinir biznes zəka təminatçısı olan MEED-in maraq dairəsində olmaqdan qürur duyuruq. Bu bizə əlavə motivasiya verir ki, innovativ işlərimizi davam etdirək və mövcud bazarda fəaliyətimizi genişləndirək" - deyə Toğrul Səməd əlavə edib. 16 kateqoriya üzrə qaliblərin adları isə 15 Sentyabrda Ritz Carlton DIFC-də baş tutacaq qala gecəsində bilinəcək.