“Data mərkəzlərin sayının artırılmasına ehtiyac var”

24-08-2015 / 14:22

Azərbaycanın ən böyük provayderi olan Delta Telecom şirkəti ölkədə yeni Tier3 data mərkəzinin yaradılmasının yerli İT bazarının inkişafına müsbət təsir göstərəcəyini hesab edir.

Rabitə və Yüksək Texnologiyalar Nazirliyindən Xeberler.az-a verilən məlumata görə, ölkədə yüksək səviyyəli data mərkəzlərin sayının artmasına ehtiyac var.

"Data mərkəz artıq 8 ildir ki işləyir və xarici serverlərdə saxlanılan Azərbaycanın internet resurslarının güzgü variantları və iri dünya səviyyəli sosial şəbəkələrin, poçt servislərinin, eləcə də, axtarış xidmətlərinin serverləri bu data mərkəzdə yerləşdirilib. Hazırda onların sayı artmaqda davam edir.

Data mərkəzin üstünlüyü geniş tutum imkanlarının mövcud olmasıdır. Lakin yeni yaradılan data mərkəz daha müasir infrastruktura malikdir və ən son beynəlxalq standartlara cavab verir. Gələcəkdə rəqabətin yaranması istisna edilmir. Amma nəticədə bu son istifadəçilərə müsbət təsir edəcək", - deyə şirkətdən bildirilib.

Delta Telekom-da hazırda daxili şəbəkənin optimallaşdırılması istiqamətində də işlər aparılır.

Xeberler.az

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.