Domen qeydiyyatçıları üçün sığorta tələbi ləğv edilib

06-10-2015 / 15:02

İnternetdə domen adların və zonaların verilməsini həyata keçirən Internet Corporation for Assigned Names and Numbers (ICANN) qeyri-kommersiya təşkilatının Direktorlar Şurası əvvəllər bütün domen adları qeydiyyatçılarına şamil edilən sığorta məsuliyyəti tələbinin ləğv edilməsini nəzərdə tutan qətnaməni təsdiq edib.

Xeberler.az xarici mətbuata istinadla bildirir ki, bu barədə ICANN-ın rəsmi bloqunda təşkilatın vitse-prezidenti Sayrus Namazi bildirib.

Qaydalara görə, əvvəllər ICANN ilə saziş imzalayan bütün domen qeydiyyatçıları 500 min dollar məbləğində təzminatla sığorta məsuliyyəti haqqında sənədi mütləq qaydada təqdim edirdi. Bu tədbirin qeydiyyatçıların səhvə yol verməsi, məsələn, adların qeydiyyat müddətinin vaxtında uzadılmaması və s. hallarda onların maraqlarını qoruyacağını nəzərdə tutub.  

Lakin təşkilat tərəfindən altı ay ərzində aparılan tədqiqatdan məlum olub ki, sığorta məsuliyyəti xidmətləri təqdim edən şirkətlərin əksəriyyəti bu insidentləri sığorta hallarına daxil etmir. Belə olan halda isə qeydiyyatçı maraqlarının qorunmasından danışmaq yersizdir. Digər tərəfdən, qeyd olunan sığorta növünün baha olması çox vaxt qeydiyyatçı şirkətlər, xüsusilə Afrika və Cənubi Amerikanın inkişaf etməkdə olan ölkələri üçün ağır yük olurdu. Belə ki, məsələn, Nigeriyada 500 min dollar məbləğində təzminatla sığorta məsuliyyətinin qiyməti əhalinin adambaşına düşən ÜDM-dən təxminən 157 dəfə çoxdur.

ICANN nümayəndələri ümid edirlər ki, sığorta məsuliyyəti tələbinin ləğv edilməsi domen qeydiyyatı xidmətləri bazarının artımını stimullaşdırmağa kömək edəcək.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.