Avropa İttifaqı ABŞ-ın İnternet üzərində nəzarətinin məhdudlaşdırılmasını dəstəkləyib

16-06-2015 / 11:00

Avropa İttifaqı (Aİ) internetdə domen adların və zonaların verilməsini həyata keçirən “Internet Corporation for Assigned Names and Numbers” (ICANN) qeyri-kommersiya təşkilatının ABŞ-ın internet üzərində nəzarətinin məhdudlaşdırılması ilə bağlı planını bəyənib. 

Xeberler.az RYTN-nin rəsmi saytına istinadən məlumat verir ki, Aİ-nin qərarı “ICANN”-ın böyük təşəbbüsünün tərkib hissəsidir. Təşkilat rəhbəri Fadi Şehade təşkilatın idarəetməsini müstəqil həyata keçirmək üçün dünya dövlətlərinin dəstəyini qazanmaq istəyir. Hazırda “ICANN” üzərində rəhbərlik mürəkkəb hökumət, biznes strukturları və yarımmüstəqil komitələr tərəfindən həyata keçirilir.

Ötən il ABŞ hökuməti “ICANN”-ın fəaliyyəti üzərində nəzarəti dayandırmaqla bağlı planlarını açıqlayıb.  28 ölkəni təmsil edən Aİ bu ideyanı dəstəkləyib. Siyasətçilərin fikrincə, internetin idarə olunması dar kommersiya və ya dövlət maraqlarından azad olmalıdır.

“The Wall Street Journal” nəşrinə F.Şehade bildirib ki, Çin və Braziliya təşəbbüsü dəstəkləyib.

O qeyd edib ki, məkanda ən vacib oyunçu Hindistandır. Bu ölkənin internet istifadəçilərinin sayı 300 milyon nəfərdir, iqtisadiyyatı İT texnologiyalarına əsaslanır və inkişaf etməkdə olan ölkələrə əhəmiyyətli təsir qüvvəsi var. “Hindistanın bu məsələ ilə bağlı mövqeyi çox vacibdir”, - təşkilat rəhbəri vurğulayıb.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.