TEXNOLOGİYA

Amazon Amerika Birləşmiş Ştatlarının Seattle ərazisində tropik meşələrindən ilhamlanan yeni ofisini açıb.

Xeberler.az xarici mediaya istinadən məlumat verir ki, şirkət bunun işçilərə ilham verəcəyini düşünür.

Seattle mərkəzli texnologiya nəhəngi Amazon şəhərdə yeni bir kampus açıb.

Üç fərqli binadan ibarət The Spheres adlı kampus 400 müxtəlif növdən olan 40 min bitki ilə təchiz olunub.

Bir ofisdən daha çox qış bağına bənzəyən məkan Amazon-un qurucu icraçı direktoru və dünyada ən zəngin şəxs olan Jeff Bezos tərəfindən yaradılıb.

Jeff Bezos kampusun açılışını Amazon-un məşhur rəqəmsal köməkçisi Alexa ilə açılışını etdi.

Bezos "Alexa, Spheres-i aç" dedikdən sonra ofisin tavanları mavi olub.

Qeyd edilib ki, Amazon son 7 il ərzində Seattle-də öz binasını və infrastrukturunu qurmaq üçün cəmi 3,7 milyard dollar xərcləyib.

Şirkət bu il ikinci baş ofisini də açmağı planlaşdırır və bunun üçün 5 milyard dollar ayırıb. Amma bu mərkəzin bazasının hansı şəhərdə qurulacağı hələlik gizli saxlanılır.

Amazon işçilərinə istirahət etmək və sakit, təbiət mühitində olan ofisləri ilə yeni fikirlər yaratmaqda kömək etmək niyyətindədir.

Qeyd edək ki, kampus NBBJ memarlıq şirkəti tərəfindən hazırlanıb.

Bu gündən etibarən turistlər təlimatlar ilə birlikdə The Spheres-i ziyarət edə biləcək.

Günel