TƏHLİL

Prezident Adminstrasiyasının rəhbəri, akademik  Ramiz Mehdiyevin ölkədəki televiziyaların durumundan bəhs edən  Azərbaycan” qəzetinə dərc olunmuş “Azərbaycanın efir məkanı: problemlər və vəzifələr” məqaləsindən bir aydan artıq zaman ötür. Digər tərəfdən məqalənin çapından sonra ölkə ictimaiyyətinin müxtəlif təbəqələrindən olan insanlar tərəfindən də TV-lərdəki vəziyyətin acınacaqlı xarakter aldığı haqda ittihamlar eşitdik. Lakin bütün bunlar təəsüf ki, TV-lərin efir siyasətində köklü dəyişiklərə səbəb olmadı. Ən azından kanallarımızın bir günlük efirini izləmək bunu deməyə əsas verir. Bəs əhali necə, dəyişikliyi hiss edirmi? Bu məqsədlə paytaxt sakinləri arasında sorğu keçirdik.

Nadir Qasımov (AMEA-nın əməkdaşı): «Məncə heç bir ciddi dəyişiklik yoxdur. ATV meyxananı bağladı, amma yerinə çox savadsız və maraqsız irslə bağlı veriliş hazırladı. Elə bil plan doldururlar. Mən əvvəlki kimi vəziyyətdən narazıyam».

Fərid Rəşidoğlu(Tələbə): «Məqalədən sonra müəyyən dəyişikliklər var. Amma məqcə prisipial nəsə yenilik yoxdu. ANS bəzi verilişlərinə xitam verdi, indi isə yerinə çox bayağı bir «Günəbaxan» verilişi açıb.  Bir şey maraqlıdır ki, bu TV-lər heç kimdən çəkinmir?»

Aytən Mürsəlova: (Həkim): «Məqaləni şəxsən oxumuşam. Çox dəyərli fikirlər var idi. Lakin hələ ki, çox az qismi reallaşıb. Məncə TV-lər tələsməlidir. Mənəviyyat əldən gedir».

Nurlan Məlikov:Sürücü) : «Elə bir dəyişiklik görmürəm. Yenə nə vaxt açırsan, müğənnilər meydan sulayır.  Nə bilim vallah, gözləyək görək nolur…»

Rafail Şahvələdov (Magistr): «Mən yaxşılığa doğru nələrsə hiss edirəm. Yəni, ölü nöqtədən tərpənib. Amma tam hər şey düzəlib demək olmaz, Yəqin ki, bir az zaman aparacaq»

Xeberler.az