Azərbaycanın ən böyük kibertəhlükəsizlik şirkətlərindən olan PROSOL, sentyabrın 21-22-də keçirilən, ikinci dəfə “Beynəlxalq Kibertəhlükəsizlik Günü”nə həsr olunan tədbirə ev sahibliyi edir
Xeberler.az bildirir ki, bununla bağlı Azərbaycan İnternet Forumunun Prezidenti, ekspert Osman Gündüz öz feysbuk səhifəsində paylaşım edib.
"Kibertəhlükəsizliklə bağlı faydalı konfrans keçirilir.
Prosol şirkəti bir xeyli maraqlı tərəfləri, o cümlədən İsraildən və digər ölkələrdən peşəkarları dəvət edib.
Konfransda kiberekosistemin müxtəlif problemləri, kiberhücum və kiber müdafiə məsələləri, kritik infrastrukturun qorunması, fərdi məlumatların qorunmasının müzakirəsi nəzərdə tutulur.
Konfransda hələlik diqqətimi cəlb edən bu oldu ki, kibertəhlükəsizliyə cavabdeh dövlət qurumu 4 ildir tilsimə düşən İnformasiya təhlükəsizliyi ilə bağlı Strategiyanın qəbulunun ləngiməsinə aydınlıq gətirdi. 2023-2026 -cı illər üçün nəzərdə tutulan Strategiyanın hökumətə təqdim edildiyi bildirildi. Ümid edək növbəti ilədək qəbul ediləcək. Eyni zamanda konfransda "Fərdi məlumatların qorunması haqqında" qanun layihəsinin də yeni Avropa standartlarına (GDPR) uyğun olaraq hazırlanıb başa çatdırıldığı bildirilib".
