“Elektron hökumət” portalında daha bir yenilik

01-09-2016 / 16:40

Aərbaycan Respublikasının insan hüquqları üzrə müvəkkilinə (ombudsman) "Elektron hökumət" portalı üzərindən müraciət etmək imkanı yaradılıb.

Beləki, hər bir istifadəçi, o cümlədən Azərbaycan Respublikası vətəndaşları, əcnəbilər və vətəndaşlığı olmayan şəxslər, habelə hüquqi şəxslər təklif, ərizə və şikayətləri ilə portal üzərindən  Azərbaycan Respublikasının insan hüquqları üzrə müvəkkilinə (ombudsman) elektron formada müraciət göndərə biləcəklər.

Xeberler.az-ın məlumatına görə, bunun üçün portalda "İnsan Hüquqları üzrə Müvəkkil - Ombudsman"  təsisatı tərəfindən  təqdim edilən  "Ombudsman aparatına elektron müraciət" xidməti seçilir. Açılan pəncərədə istifadəçi qaydaları ilə tanış olub "növbəti" düyməsini seçmək lazımdır.

Açılan səhifədə istifadəçi vətəndaşlıq statusunu məsələn "Azərbaycan Respublikasının vətəndaşı" seçərək, şəxsiyyət vəsiqəsinin nömrəsi və FİN kodunu qeyd edib, "növbəti" düyməsini seçir.

Yeni səhifədə istifadəçi özü haqqında məlumatı qeyd edərək, müraciətin növünü, ilkin yoxsa təkrar müraciət olduğunu seçir, mürciətin mətnini qeyd edib, göndər düyməsinin üzərinə vurmaqla şikayət, ərizə və təklifini Azərbaycan Respublikasının insan hüquqları üzrə müvəkkilinə (ombudsman) göndərmiş olur.

Qeyd edək ki, xidmət qeydiyyatsız olsa da, göndərilmiş müraciətin tarixçəsinə baxmaq üçün təqdim olunan autentifikasiya vasitələrinin birindən istifadə edərək portaldan qeydiyyatdan keçmək tələb olunur. 

 

Məltəm Talıbzadə

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə