Elektron Hökumətin İnkişafı Mərkəzi Bakutel 2019-da təmsil olunur

04-12-2019 / 19:14

“Baku Ekspo Mərkəzi“ndə keçirilən “Bakutel-2019“  XXV Azərbaycan Beynəlxalq
Telekommunikasiya, İnnovasiya və Yüksək Texnologiyalar sərgisində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində Elektron Hökumətin İnkişafı Mərkəzi öz stendi ilə təmsil olunur.

Xeberler.az bildirir ki, Elektron Hökumətin İnkişafı Mərkəzinin stendində mərkəzin idarə etdiyi, o cümlədən texniki cəhətdən ərsəyə gətirdiyi layihələr, Mərkəz əməkdaşları tərəfindən dövlət xidmətlərinin təkmilləşdirilməsini təmin edən İKT sahəsində həllər nümayiş olunur.

Ekspozisiya ilə tanış olan ziyarətçilərə reaktiv xidmətlərdən proaktiv xidmətlərə keçidi təmin edən “myGov” portalı, ölkənin ən böyük ödəniş sistemi olan “ASAN ödəniş” sistemi, ölkəyə gələn turistlərin məmnunluğunun yüksəlməsində rol oynayan “ASAN Viza” sistemi, maliyyə sektorunda xərclərin azalmasını və sürətli qərarvermə imkanını təmin edən”ASAN Finans” sistemi və süni intellekt sahəsində mərkəzin gördüyü işlər barədə ətraflı məlumat verilir.

25-ci Bakutel sərgisində Elektron Hökumətin İnkişafı Mərkəzinin təqdim etdiyi süni intellekt həlləri böyük marağa səbəb olub. Belə ki, əşya tanıma özəlliyinə malik olan sistem vasitəsilə insan intellekti ilə süni intellekt qarşı qarşıya gəlib. Süni intellekt insanların intellektini sınayaraq onlara müxtəlif əşyalar haqqında suallar ünvanlayıb. Doğru əşyanı ona göstərən şəxslərə tərəfimizdən hədiyyələr verilib. Qeyd edək ki,
təqdim etdiyimiz süni intellekt nümunəsi təkcə əşya tanıma ilə limitlənmir. İnsanın təqribi yaşını, emosiyalarını, cinsiyyətini və.s xüsusiyyətlərini aşkar edə bilən sistemdən gələcəkdə sorğu, analiz və təhlükəsizlik məqsədlərilə istifadə edilməsi planlaşdırılır.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.