Elmi innovasiyalar üzrə konfrans keçirilib

07-05-2018 / 15:03

Azərbaycan Texniki Universitetində (AzTU) “Gənclər və elmi innovasiyalar” mövzusunda respublika elmi-texniki konfransı başa çatıb.

Bu barədə Xeberler.az-a AzTU-dan məlumat verilib.

Heydər Əliyevin anadan olmasının 95-ci ildönümünə həsr edilmiş, tələbə və gənc tədqiqatçıların “Gənclər və elmi innovasiyalar” mövzusunda respublika elmi-texniki konfransı mayın 7-də yekunlaşıb. 

Bölmə iclasları yekunlaşdıqdan sonra təşkil olunan toplantıda AzTU-nun rektor əvəzi, professor Xalıq Yahudov “Gənclər və elmi innovasiyalar” mövzusunda keçirilən konfransın əhəmiyyətini qeyd edərək bütün təşkilatçılara öz təşəkkürünü bildirib.

Qeyd olunub ki, 11 bölmə üzrə keçirilən konfransa respublikamızın 44 müxtəlif müəssisəsindən 828 məqalə təqdim olunub. Bütün iclasların təşkilat komitəsi tərəfindən izləndiyi bildirilib və iclaslarda məruzələrin maraqla dinlənildiyi vurğulanıb.

Tədbirdə bölmə iclasları rəhbərlərinin hesabatları dinlənilib və müzakirə olunub.
Sonda professor Xalıq Yahudov konfransın uğurlu keçirilməsinə görə təşkilat komitəsinə bir daha öz təşəkkürünü bildirib və konfransda fərqlənən məqalə ilə çıxış edən müəlliflərə sertifikatlar təqdim edilib.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.