Elmir Vəlizadə "Caspian Business Award 2020" mükafatına layiq görülüb

24-12-2020 / 13:51

Xeberler.az bildirir ki, 5-ci Beynəlxalq “Caspian Business Award 2020” mükafatının təqdimetmə mərasimi keçirilib. COVID-19 pandemiyası ilə əlaqədar tədbir onlayn formatda təşkil olunub.

Nəqliyyat, Rabitə və Yüksək Texnologiyalar Nazirliyindən verilən məlumata görə, mərasimdə diplomatik missiyaların, dövlət qurumlarının, nazirliklərin nümayəndələri, “Caspian Energy Club”un üzv şirkətlərinin rəhbərləri iştirak ediblər.

Mükafat “COVID-19” pandemiyası dövründə Azərbaycan və Xəzər-Qara dəniz regionu ölkələrinin iqtisadiyyatının inkişafına xüsusi töhfə vermiş şirkətlərə və biznes-hökumət dialoqunun inkişafinda rolu olan şəxslərə təqdim olunub.

Nəqliyyat, rabitə və yüksək texnologiyalar nazirinin müavini Elmir Vəlizadə “Caspian Energy Club” tərəfindən mükafatlandırılıb. Qurumun baş icraçı direktoru Telman Əliyev bildirib ki, kluba üzv olan 1500 şirkət rəhbəri arasında keçirilən sorğunun nəticəsinə görə, Elmir Vəlizadə biznes-hökumət dialoqunun inkişafina verdiyi xüsusi töhfəyə görə “Caspian Business Award 2020” mükafatına layiq görülüb.

Öz növbəsində, Elmir Vəlizadə mükafata layiq görüldüyü üçün “Caspian Energy Club”un rəhbərliyinə və üzvlərinə təşəkkür edib. O bildirib ki, koronavirus səbəbindən biznes-forumların fəaliyyətində müəyyən çətinliklər yaransa da, “Caspian Energy Club” dövlət – biznes əməkdaşlığını davam etdirib. Nazir müavini qeyd edib ki, Nəqliyyat, Rabitə və Yüksək Texnologiyalar Nazirliyi dövlət qurumu kimi özəl sektora dəstək göstərir. Elmir Vəlizadə Qarabağın azad olunmasının ölkəmizdə yeni reallıqlar yaratdığını və şirkətlər üçün yeni imkanlar açdığını diqqətə çatdırıb.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.