Əmək müqaviləsi bildirişləri üzrə e-sistemdən istifadə sayı açıqlanıb

10-11-2015 / 11:01

Azərbaycan Respublikası Əmək və Əhalinin Sosial Müdafiəsi Nazirliyinin (ƏƏSMN) əmək müqaviləsi bildirişləri üzrə elektron informasiya sistemindən cari ilin oktyabr ayında 169820 dəfə istifadə qeydə alınıb.

ƏƏSMN İctimaiyyətlə əlaqələr şöbəsindən Xeberler.az-a verilən məlumata görə, bu dövrdə əhali nazirliyin “Elektron hökumət” portalı üzərindən təqdim etdiyi “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidmətindən 126 min 909 dəfə, “Əmək müqaviləsi bildirişləri barədə məlumatların işçilər tərəfindən əldə edilməsi” e-xidmətindən isə 42 min 911 dəfə faydalanıb.

Hər iki e-xidmət ötən ilin iyul ayından etibarən ölkəmizdə əmək müqaviləsi bildirişi üzrə elektron informasiya sisteminin tətbiqinə başlanılması ilə əlaqədar əhalinin istifadəsinə verilib. Əmək müqaviləsinin bağlanılması, ona dəyişiklik edilməsi və ya xitam verilməsi bu barədə bildiriş formaları həmin sistemdə qeydiyyata alındıqdan və işəgötürənə elektron qaydada müvafiq məlumat göndərildikdən sonra hüquqi qüvvəyə minir. Qeyd olunan proses isə “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidməti vasitəsilə həyata keçirilir. Bununla yanaşı, hər bir vətəndaş “Əmək müqaviləsi bildirişləri barədə məlumatların işçilər tərəfindən əldə edilməsi” e-xidmətindən yararlanmaqla, onunla bağlanmış əmək müqaviləsi bildirişi barədə real vaxt rejimində məlumat əldə edə bilir.

İstifadəyə verildikləri vaxtdan vətəndaşların ən çox faydalandığı elektron xidmətlər sırasında olan bu iki e-xidmətdən cari ilin yanvar-oktyabr aylarında ümumilikdə 1 milyon 675 min 727 dəfə istifadə qeydə alınıb.

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.